सड़क से लेके सुप्रीम कोर्ट तक वक्फ कानून के खिलाफ लड़ाई चलता। सबसे बड़ संघर्ष ममता बनर्जी के पश्चिम बंगाल में देखाई देता। मुख्यमंत्री ममता बनर्जी भी वक्फ एक्ट के खिलाफ मोर्चा खोल देले बाड़ी। सीएम ममता आजु कोलकाता के नेताजी इंडोर स्टेडियम चहुँपली जहाँ मुस्लिम धार्मिक नेता आ इमामन से भेंट कइली. एह दौरान उ इमाम लोग के वक्फ कानून के संबंध में भी संबोधित कईले। ममता कहली कि बंगाल के बदनामी होखता। जहां हिंसा भईल उहाँ कांग्रेस के सीट बा। उ कहले कि, भारतीय जनता पार्टी के सत्ता से बेदखल होखते वकफ संशोधन विधेयक के निरस्त क दिहल जाई।
‘हम सभ इमाम अवुरी पुजारी के इज्जत करेनी’।
ममता बनर्जी कहली कि यूपी अवुरी बिहार के वीडियो देखा के बंगाल के बदनाम कईल जाता। फेक न्यूज फइलल जा रहल बा। भाजपा झूठा वीडियो देखा के बदनामी कर रहल बा। सीएम बतवले कि सीमा सुरक्षा के जिम्मेवारी बीएसएफ के बा। अगर रउरा बंगाल के बारे में बोले के बा त हमरा सोझा बोलीं. हम बंगाल के बदनाम करे खातिर फर्जी मीडिया रिपोर्ट पकड़ले बानी। हम तमाम इमाम अवुरी पुजारी के इज्जत करेनी। हम रवीन्द्रनाथ टैगोर के विचारधारा में विश्वास करेनी। बंगाल में हिंसा भड़कावे के भाजपा के साजिश में मत पड़ी ।
वक्फ कानून के संबंध में ममता बनर्जी के बड़ बैठक
ममता इमाम लोग से वक्फ एक्ट के लेके भविष्य के रणनीति पs चर्चा कईली, जवना में अखिल भारतीय मुस्लिम पर्सनल लॉ बोर्ड के अध्यक्ष सैफुल्लाह रहमानी, एआईएमपीएलबी के महासचिव फजलुर रहीम मुजद्दीदी अवुरी कोलकाता के मेयर फिरहद हकीम समेत बहुत मुस्लिम धार्मिक नेता अवुरी इमाम मौजूद रहले।
