महेश भट्ट के लड़खड़ात करियर में मिलल रहे 70s के ई सुपरस्टार के सहारा, बोलले- ‘ उs ना रहतन तs हम’

 

‘आशिकी’ आ ‘सड़क’ जइसन फिलिमन खातिर मशहूर महेश भट्ट एह इंडस्ट्री के ओह रत्नन में से एक रहल बाड़न जे अपना मेहनत के आधार पs हर जगह आपन चमक फइलवले बाड़न. नानाभाई भट्ट आ शिरीन मोहम्मद अली के घरे जनमल महेश भट्ट बहुते कम उमिर से काम करे लगले. आज उनुका के इंडस्ट्री के हिट फिल्म निर्माता में गिनल जाला, बाकिर एगो समय रहे जब उनुका अपना कैरियर के उकेरे खातीर बहुत मेहनत करे के पड़े। हाल ही में महेश भट्ट अपना करियर के शुरुआती दौर के बारे में बतवले आ फिल्म निर्माता राज खोसला के मदद करे के समय के याद भी साझा कइले।

राज खोसला से पहिला मुलाकात

रेडियो नशा से बातचीत में महेश भट्ट खुलासा कइलन कि कइसे उनुकर मुलाकात खोसला से भइल फिल्म ‘दो रास्ते’ के फाइनल शेड्यूल के दौरान जवना में राजेश खन्ना आ मुमताज मुख्य भूमिका में बाड़े. एह फिल्म के गाना “तूने काजल लगया दिन में रात हो गई” के शूटिंग होत रहे, एह दौरान महेश भट्ट के पहिला बेर मशहूर निर्देशक खोसला से भेंट भइल.

एह दौरान महेश भट्ट राजेश खन्ना के स्टारडम के बारे में भी बतियावत रहले. उनुका मुताबिक राजेश खन्ना के स्टारडम देख के उs अचरज में पड़ गईले। भट्ट कहले- ‘राजेश खन्ना जइसन स्टारडम पहिले कबो ना देखले रहनी। आजकल डिजिटल प्लेटफार्म से सितारन के बहुते फायदा होला. बाकिर ओह घरी महज कुछ फिल्मी पत्रिका आ सीमित प्रिंट के साथे राजेश खन्ना अइसन स्तर के प्रसिद्धि पैदा करे में कामयाब हो गइलन जवन पहिले कबो ना देखल गइल रहे.’

हम जवन बानी विनोद खन्ना के वजह से बानी

खोसला के साथे काम करे के बात करत महेश भट्ट कहले- “हम बाद में धर्मेन्द्र आ विनोद खन्ना के अभिनीत फिलिम ‘मेरा गांव मेरा देश’ बनवनी. विनोद खन्ना खाली सहयोगी ना रहले, बल्कि उs एगो बड़ दोस्त भी रहले जे हमरा जीवन में बहुत महत्वपूर्ण भूमिका निभवले रहले। ओह लोग के बिना हमरा नइखे लागत कि हम आज जवन आदमी बानी ऊ बन गइल रहती.” अपना करियर के शुरुआती दौर के याद करत महेश भट्ट उदयपुर में ‘मेरा गांव मेरा देश’ के निर्माण के बात कइलन आ साथही एह फिलिम में आनंद बख्शी आ लक्ष्मीकांत-प्यारेलाल के संगीत के तारीफ कइलन.

छठवां फिल्म हमरा कैरियर में अहम भूमिका निभवलस

महेश भट्ट जब एह इंडस्ट्री में शुरुआत कइले रहले तs उनुका फिलिमन के दर्शकन के तरफ से कवनो खास प्रतिक्रिया ना मिलत रहुवे. हालांकि कुछ असफल फिलिमन से शुरुआत कइला के बावजूद महेश भट्ट आपन कैरियर स्थापित करे में कामयाब रहलें. एहमें उनकर फिलिम ‘अर्थ’ के खास योगदान रहल जवन उनकर छठवाँ फिलिम रहे. ई सफलता भट्ट खातिर एगो मोड़ साबित भइल. एह फिल्म के बाद 80-90 के दशक के उनुकर कई गो फिलिम ‘सारांश’, ‘जन्म’, ‘सड़क’ आ ‘आशिकी’ हिट साबित भइल.

 

 

 

9238700cookie-checkमहेश भट्ट के लड़खड़ात करियर में मिलल रहे 70s के ई सुपरस्टार के सहारा, बोलले- ‘ उs ना रहतन तs हम’no