West Bengal Lok Sabha Election: पश्चिम बंगाल में भड़कल हिंसा, तालाब में फेंकलस EVM

Minee Upadhyay

 

 

लोकसभा चुनाव के सातवां आ आखिरी चरण खातिर आजु मतदान हो रहल बा. एही बीच पश्चिम बंगाल के दक्षिण 24 परगना में हंगामा के खबर सामने आईल बा। बतावल जाता कि इहाँ कुलताई के 40, 41 नंबर के बूथ पs भीड़ के ओर से ईवीएम अवुरी वीवीपीएटी मशीन के पानी में फेंक दिहल गईल। एकर वीडियो भी सामने आइल बा।

सातवाँ आ आखिरी चरण खातिर मतदान जारी बा

लोकसभा चुनाव 2024 के देखत सातवां अवुरी अंतिम चरण के मतदान एक जून के चलता। एह दौरान सात गो राज्यन आ एगो केंद्र शासित प्रदेश के 57 गो सीट पs मतदान हो रहल बा. मतदान सबेरे 7 बजे से शाम 6 बजे ले होई। मतदान के एs चरण के संगे 19 अप्रैल से शुरू भईल चुनाव के सभ चरण के मतदान पूरा हो जाई।

प्रधानमंत्री नरेंद्र मोदी के वाराणसी सीट भी ओ सीट में शामिल बा, जहां अंतिम चरण में मतदान हो रहल बा। एकरा अलावे पंजाब आ यूपी के 13-13 सीट, पश्चिम बंगाल के 9 सीट, बिहार के 8 सीट, ओडिशा के 6 सीट, हिमाचल प्रदेश के 4 सीट, झारखंड के 3 सीट अवुरी चंडीगढ़ के एगो सीट शामिल बा।

बता दीं कि एह चरण में केंद्रीय मंत्री अनुराग ठाकुर, ममता बनर्जी के भतीजा अभिषेक बनर्जी, लालू प्रसाद के बेटी मीसा भारती, अभिनेत्री कंगना रनौत के किस्मत दांव पs लागल बा.

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।