हाजीपुर : बिहार के हाजीपुर से एगो चौंकावे वाला मामला सोझा आईल बा। असल में बिहार में शराबबंदी बा बाकिर तबहूँ लोग अपना गतिविधि से परहेज नईखन करत। अबकी बेर पुलिस विभाग ले शर्मिंदा हो गईल बा काहे कि खाली कुछ पुलिसकर्मी शराब चोरी करत मिलल बाड़े। आरोपी के गिरफ्तार कs जेल भेज दिहल गईल बा।
पूरा मामिला का बा?
बिहार के हाजीपुर में एसपी हर किशोर राय शराब चोरी के आरोपी 4 पुलिसकर्मी के जेल भेज देले बाड़े। दरअसल भगवानपुर थाना में तैनात तीन चौकीदार अवुरी ठेका पs नियुक्त थाना के ड्राइवर पs जब्त शराब के मालखाना में राखे के बजाय गायब करे के आरोप बा।
जांच के बाद एसपी के निर्देश पs मामला दर्ज हो गईल बा अवुरी सभके जेल भेज दिहल गईल बा। एकरा बारे में वैशाली के एसपी हर किशोर राय एगो प्रेस विज्ञप्ति जारी कs कहले कि भगवानपुर थाना के पुलिस सठीऔता गांव से 322.36 लीटर शराब जब्त कईले बिया। बाकिर एक जून के भगवानपुर थाना प्रभारी के पता चलल कि जब्त शराब 322 लीटर से जादा बा अवुरी थाना के चौकीदार, राजेश कुमार, जालंधर पासवान, रुपेश पासवान अवुरी गृहरक्षक सचिन कुमार के ओर से 3 से 4 कार्टन शराब चोरी भईल बा आ थाना चालक पप्पू कुमार चोरी कइलन.
एकरा बाद थाना प्रमुख एसपी के घटना के जानकारी देले, जवना पs एसपी थाना में लागल सीसीटीवी कैमरा के निरीक्षण करे के निर्देश देले। खुलासा भईल कि शराब के गिनती अवुरी मालखाना में राखत घरी सभ आरोपी कूड़ा में फेंके के बहाने 2 से 3 कार्टन शराब चोरा लेले। एकरा बाद एसपी थाना के तीन चौकीदार अवुरी ठेका चालक के खिलाफ मामला दर्ज कs जेल भेजे के निर्देश देले।
Comments are closed.