पाकिस्तानी दिग्गज अभिनेता तलत हुसैन अब नइखन. एह अनुभवी अभिनेता के लमहर बेमारी के बाद अतवार 26 मई के आखिरी साँस 83 बरीस के उमिर में भइल. पाकिस्तानी अभिनेता अदनान सिद्दीकी भी अपना एक्स प्लेटफॉर्म के माध्यम से मउत के पुष्टि कईले बाड़े। तलत हुसैन एगो शानदार अभिनेता होखे के अलावे क्रिकेट के मैदान में भी आपन ताकत देखवले रहले। अइसना में एह दिग्गज अभिनेता के निधन के खबर उनुका प्रशंसकन के झकझोर दिहले बा. तलत हुसैन बहुत दिन से बेमार रहले, जवना के चलते उनुका के कराची के एगो निजी अस्पताल में भर्ती करावल गईल।
अदनान सिद्दीकी के अलावे तलत हुसैन के निधन के खबर साझा करत अर्सलान खान लिखले- “पाकिस्तान के बेहतरीन अभिनेता में से एक तलत हुसैन अब एs दुनिया में नईखन। अल्लाह उनका के स्वर्ग में सबसे ऊँच स्थान दे। आमीन .” अर्सलान खान के जइसहीं ई पोस्ट देखले तलत हुसैन के प्रशंसकन में शोक के लहर चल गइल.
तलत हुसैन के जनम दिल्ली में भइल रहे
बता दीं कि 18 सितम्बर 1940 के जनमल तलत एगो मशहूर अभिनेता रहले. भले ही तलत हुसैन पाकिस्तानी अभिनेता रहले बाकीर भारत से भी उनकर गहिराह संबंध रहे। तलत हुसैन के जनम राष्ट्रीय राजधानी दिल्ली में भइल रहे। बाकीर भारत पाकिस्तान के बंटवारा के बाद उनकर परिवार कराची शिफ्ट हो गईल| ऊ अपना अभिनय के जादू खाली पाकिस्तानी मनोरंजन जगत में ना बलुक बॉलीवुड फिलिमन में भी फइलवले. रेखा, जया प्रादा आ जीतेन्द्र के साथे भी काम कइले। तलत हुसैन एह दिग्गज सितारन के साथे ‘सौतन की बेटी’ में काम कइले रहले.
रेखा-जितेन्द्र के साथे काम कइले बाड़े
तलत के समीक्षकन के प्रशंसित टीवी ड्रामा आ फिलिमन में भूमिका खातिर जानल जात रहे. ऊ “आंसू,” “बंदिश,” “अर्जुमंद,” “देस परदेस,” “ईद का जोरा,” “तारिक बिन जियाद,” “फनूनी लतीफ़ी,” “हवेन” वगैरह में अपना भूमिका खातिर मशहूर बाड़न. तलत हुसैन के सबसे ज्यादा प्रसिद्धि ‘बंदिश’ धारावाहिक से मिलल। उनुका पीछे उनुकर पत्नी प्रोफेसर रक्षंदा हुसैन अवुरी उनुकर तीन बच्चा – दु बेटी अवुरी एगो बेटा – छोड़ गईल बाड़े।
Comments are closed.