KVS Admission 2023: आजे कs लीं केंद्रीय विद्यालय कक्षा 1 में दाखिला खातिर आवेदन, पहिला लिस्ट 20 अप्रिल के

Anurag Ranjan

KVS Class 1 Admission 2023: जदि रउआ अपना लईका के दाखिला केंद्रीय शिक्षा मंत्रालय के अधीन केंद्रीय विद्यालय संगठन द्वारा देस आ बिदेसन में संचालित कइल जा रहल 1200 से बेसी केंद्रीय विद्यालयन में करावल चाहत बानी तs ई महत्वपूर्ण खबर रउआ खातिर बा। एह केंद्रीय विद्यालयन में शैक्षणिक वर्ष 2023-24 खातिर पहिला कक्षा में दाखिला के आवेदन प्रक्रिया 27 मार्च से चल रहल बा। ई आवेदन प्रक्रिया आज माने सोमार, 17 अप्रिल 2023 के समाप्त हो जाई। अइसन में जे इच्छुक उम्मीदवार अपना लईकन केवीएस कक्षा 1 प्रवेश 2023 खातिर अभी तक अप्लाई नइखे कइल गइल, ऊ तकनीकी समस्या से बचे खातिर अंतिम क्षणन के इंतजार कइले बिना जलदी से जल्दी अप्लाई कs लीं। पैरेंट्स के धेयान देवे के चाहीं कक्षा 1 खातिर केवीएस अप्लीकेशन 2023 के आज सांझ 7 बजे तक ऑनलाइन सबमिट कइल जा सकी।

KVS Class 1 Admission 2023: कहां आ कइसे करी केन्द्रीय विद्यालय कक्षा 1 में दाखिला खातिर आवेदन 

केंद्रीय विद्यालयन में पहिला कक्षा में दाखिला खातिर ऑनलाइन आवेदन प्रक्रिया केंद्रीय विद्यालय संगठन द्वारा विशेष एडमिशन पोर्टल, kvsonlineadmission.kvs.gov.in पs उपलब्ध करावल गइल बा। पंजीकरण खातिर पैरेंट्स एह वेबसाइट पs विजिट करीं आ फेर होम पेज पs दिहल गइल आवेदन लिंक भा ऊपर दिहल गइल डायरेक्ट लिंक से अप्लीकेशन पेज पs जाके अप्लाई कs सकत बानी। आवेदन प्रक्रिया के अंतर्गत पहिले पंजीकरण करे के होई आ फेर पंजीकृत विवरणन से लॉग-इन कs के उम्मीदवार आपन अप्लीकेशन सबमिट कs सकी लो। हालांकि, आवेदन से पहिले पैरेंट्स के KVS एडमिशन 2023 नोटिफिकेशन आ ऑनलाइन आवेदन पेज पs दिहल गइल निरदेसन के धेयान से पढ़ लेवे के चाहीं।

KVS Class 1 Admission 2023: पहिला मेरिट लिस्ट 20 अप्रिल के होई जारी

निर्धारित प्रक्रिया आ तिथि तक अप्लीकेशन सबमिट होखला के बाद केंद्रीय विद्यालय संगठन दाखिला खातिर शॉर्टलिस्ट कइल गइल स्टूडेंट्स के पहिला लिस्ट 20 अप्रिल के जारी करी। पहिला सूची से दाखिला 21 अप्रैल से लिहल जाई। जवना स्टूडेंट्स के नाम पहिला सूची में सामिल कइल जाई, ओकर पैरेंट्स के सम्बन्धित केंद्रीय विद्यालय में दाखिला प्रक्रिया खातिर संपर्क करे के होई। एकरा बाद, सीटल बचल रहल तs दूसरका लिस्ट 28 अप्रिल के जारी होई।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।