Kushinagar: टॉवर प लागल धार्मिक झंडा, ग्रामीण लोग विरोध में जाम कइलस सड़क, पुलिस संभरलस मोर्चा

कुशीनगर के कसाया थाना के गोबरही पेट्रोल पंप के लगे टॉवर प चांद युक्त हरियर झंडा लगा दिहल गइल। सबेरे एकरा के देखके ग्रामीण आक्रोशित हो गइल लो आ सड़क जाम क के विरोध जतावे लागल लो। ई लोग पुरान टायरो जरावल। ग्रामीण एकरा ले पाकिस्तानी झंडा बतावत रहे लो। सूचना मिलला प पुलिस पहुंचल आ लोग के समझाके ममिला शांत करवलस। एसपी बतवलें कि ई एगो धार्मिक झंडा ह।

गोबरही चौराहा में पेट्रोल पंप के लगे लागल एगो निजी कंपनी के टॉवर प रात में केहू एगो धार्मिक झंडा लगा दिहल। सबेरे ई बात जब लोगन के पता चलल त ओकरा के पाकिस्तान के झंडा बतावत सड़क जाम क दिहल लो आ सड़क प पुरान टायर जराके विरोध प्रदर्शन करे लागल लो। मवका प कसया थाना के एसएचओ आशुतोष तिवारी पुलिसफोर्स के संगे पहुंचके ममिला के जानकारी लेलें।

एसपी धवल जायसवाल बतवलें कि ई झंडा पाकिस्तान के ना ह। एगो धार्मिक झंडा लगावल गइल बा जवना के नियमानुसार उतरवावल गइल। सब पक्षन के धेयान में राखत विधिक कार्रवाई कइल जाई। अफवाह फइलावे वाला लोगन प कड़ा कार्रवाई कइल जाई।

साभार: अमर उजाला