2 Doctors died After Map Misguided: तकनीक पs आँख मूँद के भरोसा कईल भी आपके जान ले सकता। केरल में भी कुछ अइसने भइल बा जहाँ गूगल मैप से गुमराह कइला के बाद दू लोग के जान गँवा दिहल गइल। दरअसल कोच्चि के लगे गोथुरुथ में पेरियार नदी में उनकर कार गिरला से दू गो डाक्टरन के मउत हो गइल आ गूगल मैप मउत के कारण बन गइल। गाड़ी में मौजूद युवक गूगल मैप के मदद से आगे बढ़त रहले, जहां गुमराह कईला के बाद उनुकर गाड़ी खाई में गिर गईल अवुरी दु युवक के मउत हो गईल।
पूरा बात का बा
पीटीआई एजेंसी के मुताबिक पुलिस के कहनाम बा कि, केरल के कोच्चि के लगे पेरियार नदी में गाड़ी गिरला के बाद शनिवार के देर रात ए कार में सवार दु डॉक्टर के म त हो गईल बा। जिला के एगो निजी अस्पताल में तैनात डॉक्टर के पहचान अद्वैत (29 साल) अवुरी अजमल (29 साल) के रूप में भईल बा। शनिचर के रात सबेरे साढ़े बारह बजे भइल एगो दुर्घटना में उनुकर मउत हो गइल।
पुलिस आगे कहलस कि, ए दुर्घटना में डॉक्टर के संगे सफर करत तीन अवुरी लोग भी घायल हो गईले, जवना के इलाज बगल के अस्पताल में होत बा। पुलिस के कहनाम बा कि लागता कि कार चालक गूगल मैप के निर्देश के पालन करत नदी तक पहुंचल, जबकि ओकरा सड़क पs जाए के रहे।
पुलिस आगे कहलस कि भारी बरखा के चलते ओ समय दृश्यता बहुत कम रहे, उ लोग गूगल मैप से देखावल रास्ता पs जात रहले, लेकिन लागता कि नक्शा में देखावल बायां मोड़ के जगह गलती से आगे बढ़ के नदी में गिर गईले। उ लोग के बचावे खातीर स्थानीय लोग पहुंचले अवुरी दमकल सेवा अवुरी पुलिस के घटना के जानकारी देले। डाक्टरन के लाश निकाले खातिर गोताखोरन के टीम तैनात कइल गइल। घाही लोग के हालत स्थिर बतावल जाता।
