उत्तर प्रदेश के कासगंज में एगो दुखद हादसा हो गइल बा. एह हादसा में 4 लोग के मउत हो चुकल बा। कासगंज के कसबा मोहनपुरा गांव में कुछ महिला माटी खोदे गईल रहली। एs दौरान अचानक माटी के ढेर गिर गईल अवुरी ओकरा नीचे बहुत महिला दब गईल रहली। एs दुर्घटना में एक लईकी समेत तीन महिला के कुचल के हत्या कs दिहल गईल। एह हादसा में 4 लोग गंभीर रूप से घायल हो चुकल बाड़े। घायल लोग के अस्पताल में इलाज हो रहल बा। करीब दु दर्जन महिला के कीचड़ के नीचे दफन होखे के आशंका बा। एह लोग के बाहर निकाले खातिर बचाव अभियान चलावल जा रहल बा.
कासगंज में बड़ हादसा, 4 लोग के मउत
घटना स्थल पs कासगंज के जिला अधिकारी मेधा रूपम अवुरी एसपी अपर्णा रजत कौशिक मौजूद बाड़े। दुनो अधिकारी राहत अवुरी बचाव कार्य के निरीक्षण करतारे। एs दुर्घटना में एगो लईकी समेत तीन महिला दब के मर गईली। करीब दु दर्जन महिला के अबो माटी के नीचे दफन होखे के आशंका बा। मौका पs राहत अवुरी बचाव दल मौजूद बा। जेसीबी से माटी हटावे के काम लगातार चल रहल बा।
माटी खोदे गइल घायल महिला प्रत्यक्षदर्शी हेमलता के बतवली कि आजु देवठान के त्योहार कs कटोर रामपुर के मेहरारूवन के साथे सभे मिल के घर आ चूल्हा के रंगाई खातिर पीयर माटी खोदे गइल रहे. फेर अचानक माटी के ढेर गिरला के चलते एगो भयानक दुर्घटना हो गईल। मेहरारू आ लइका-लइकी ओहमें दब गइलें. उs बतवले कि अबे ले एs दुर्घटना में तीन महिला अवुरी एक लईकी के मउत हो चुकल बा।
