‘शादी के डायरेक्टर करण और जौहर’ के नाम से बनल फिलिम, नाराज करण जौहर पहुंचले बॉम्बे हाईकोर्ट, सुनवाई आज

 

बॉलीवुड फिलिम निर्माता करण जौहर एगो फिल्म के रिलीज के लेके बंबई हाईकोर्ट पहुंचले। उs बम्बई हाईकोर्ट में याचिका दायर कईले बाड़े कि उनुका नाम के गलत इस्तेमाल होखता। उs ‘शादी के निर्देशक करण और जौहर’ नाम के फिलिम पs रोक लगावे के मांग कईले बाड़े। ई फिलिम 14 जून के रिलीज होखे वाली बिया जवना के बारे में अब करण कोर्ट में चहुँप गइल बाड़न.करण अपना आवेदन में लिखले कि फिलिम के नाम के माध्यम से उनुकर मजाक उड़ावे के कोशिश कईल गईल बा।

पूरा मामिला का बा?

निर्माता इंडिया प्राइड एडवाइजरी आ संजय सिंह के साथे लेखक निर्देशक बबलू सिंह के खिलाफ हाईकोर्ट में मुकदमा दर्ज करावल गइल बा. एs मामला में संजय अवुरी बाकी लोग के खिलाफ फिलिम के टाइटल में उनुका नाम के इस्तेमाल पs स्थायी तौर पs रोक लगावे के आदेश मांगल गईल। ई केस आजु खातिर बंबई हाईकोर्ट में सूचीबद्ध बा, आ एकर सुनवाई होखे वाला बा.

गुडविल आ प्रतिष्ठा के नुकसान होखता

करण अपना याचिका में इहो दावा कईले कि फिलिम में उनुका नाम के इस्तेमाल कs के निर्माता उनुका ‘ब्रांड वैल्यू’, गुडविल अवुरी प्रतिष्ठा के अनुचित फायदा उठावतारे, जवन कि एकदम गलत बा। करण कहले कि 14 जून के सिनेमाघरन में रिलीज होखे वाली एह फिलिम के ट्रेलर आ पोस्टर सोशल मीडिया पs रिलीज हो गइल बा जवना से उनुकर छवि खराब हो रहल बा. संगही उs एs ट्रेलर अवुरी पोस्टर के हटावे के मांग कईले बाड़े। 14 जून 2024 के रिलीज होखे वाली एह फिलिम पs तुरते रोक लगावे के माँग कइले बाड़न. अब ई बात आजु सुने के बा.