Heat Wave: एs बेर 50 डिग्री तापमान खातीर रहीं तैयार, IMD जारी कइलस गंभीर अलर्ट; फेफड़ा-किडनी फेल होखे के खतरा

 

अबकी बेर गरमी के मिजाज बदल गइल लउकत बा। अबे चार दिन पहिले अधिकतम तापमान 40.2 डिग्री सेल्सियस ले पहुंच गईल रहे। मौसम वैज्ञानिकन के मुताबिक अबकी बेर तापमान के स्तर देख के गरमी के अंदाजा लगावल बहुत बड़ गलती हो सकता। एह साल 40 डिग्री के तापमान पs भी 45 से 47 डिग्री के गरमी प्रभावित हो रहल बा।

गरमी के साथे नमी के स्तर भी बिगड़ रहल बा, वेट-बल्ब टेंपरेचर के स्थिति पैदा हो रहल बा जवन कम तापमान में भी घातक मौसम के संकेत बा। साल 2023 के सौ साल में दुनिया के सबसे गरम साल मानल जाता, लेकिन एs साल के संकेत भी ठीक नईखे।

कृषि मौसम वैज्ञानिक डॉ. एसएन सुनील पांडेय के मुताबिक मौसम में वेट-बल्ब टेंपरेचर के स्थिति पैदा हो रहल बा, जवन कि जादे खतरनाक बा। अगर वेट-बल्ब के तापमान 35 डिग्री ले पहुंच गईल तs गरमी के चलते लोग के मउत होखे लागी, ठीक ओसही जईसे पिछला साल नवी मुंबई में एगो कार्यक्रम में मौजूद 11 लोग के गरमी के चलते मउत हो गईल रहे।

मौसम विभाग देश के अधिकतर हिस्सा में तापमान बढ़े के चेतावनी भी देले बा। संभावना बा कि कुछ हिस्सा में अधिकतम तापमान 50 डिग्री तक जा सकेला। गर्मी के लहर के संगे-संगे एकरा में नमी भी शामिल बा। 15 अप्रैल के कानपुर में आर्द्रता के स्तर 64 प्रतिशत हो गईल रहे।

वेट अलग काहे बा

बल्ब के टेंपरेचर वेट-बल्ब टेंपरेचर के तापमान नापे के एगो अत्याधुनिक तरीका हवे जेह में पर्यावरण में मौजूद गरमी आ आर्द्रता दुनों के स्थिति के मापल जाला। एह में देखावल गइल बा कि वायुमंडल में गरमी आ आर्द्रता के संतुलन के बा। इंसान भा जानवर खातिर तापमान कइसन होला?

पर्यावरण में मौजूद आर्द्रता के चलते शरीर से पसीना निकलेला लेकिन वातावरण के आर्द्रता ओकरा के सूखे ना देवेला। एकरा चलते शरीर के कूलिंग सिस्टम फेल होखे लागेला। दिल, फेफड़ा अवुरी किडनी जईसन महत्वपूर्ण अंग के फेल होखे के खतरा बढ़ जाला।

कानपुर में 19 आ 20 अप्रैल के अधिकतम तापमान 40.2 डिग्री रहल जबकि एह दिन वेट बल्ब के तापमान सबेरे 7.30 बजे 26.1 आ 26.9 डिग्री रहल। एकरा चलते दुनो दिन 42 से 45 डिग्री के बीच गरमी महसूस भईल। 23 अप्रैल के भी कानपुर में तापमान 39 डिग्री अवुरी वेट बल्ब के तापमान 26 डिग्री रहे।