कनाडाई पॉप स्टार जस्टिन बीबर एक बेर फेर भारत में आपन प्रस्तुति दिहे। जस्तिन बीबर अपना “जस्टिस वर्ल्ड टूर” कार्यक्रम के तहत 18 अक्टूबर के नई दिल्ली के जवाहर लाल नेहरू स्टेडियम में प्रस्तुति दिहे। बीबर दूसरा बेर भारत आ रहल बाड़े।
पिछला बेर 2017 में भारत आइल रहस। शो के टिकट बुक माई शो पs 4 जून से मिलल शुरू हो जाई। खबरन के मोताबिक, एह प्रस्तुति ला बुक माई शो 43,000 टिकट बेंची, जेकर कीमत 4000 रुपिया से 37,500 तक रही। जस्टिन बीबर मई 2022 से मार्च 2023 के बीचे 30 देशन के यात्रा करिहे आ 125 से बेसी शो करिहे।
