कांग्रेस के वरिष्ठ ने भारत ता सलमान खुर्शीद कहनें कि ऐतिहासिक भारत जोड़ो यात्रा से घबरा के केंद्र सरकार के मंत्री कोविड प्रोटोकॉल के संबंध में चिट्ठी लिख रहल बानें। अभिन ले केहू के कोविड के परवाह नाइए रहल। इहे ले नाइ, जब कोविड रहल तब्बो परवाह नाइ कइल गइल। अब यात्रा के व्यापक सफलता के देखत भाजपा के लोग डेरात बानें।
ऊ कहनें कि जिनके कोविड से डेराएक रहल, ऊ कांग्रेस से डेरा गइल बानें। यात्रा नाइ रुकी। ऊ कहनें कि राहुल गांधी साफ कहले बानें कि न डेराए के बा न रूके के बा। अगर कोविड के लेके राष्ट्रीय स्तर पर कौनो प्रोटोकॉल लागू होत रहे, अउर जौन सब के खातिर होई त ओपर हमनी के पार्टी भी विचार करी। खाली यात्रा के लेके प्रोटोकॉल के बात होई त ई गलत होई।
प्रधानमंत्री निम्मन थियेटरमैन हवें
प्रधानमंत्री नरेंद्र मोदी द्वारा संसद में मास्क पहिनले के सवाल पर कहनें कि ऊ निम्मन थियेटरमैन हवें। ऊ कहनें कि देश में कोविड प्रोटोकॉल के नाम पs दोहरा रवैया अपनावल जा रहल बा। प्रधानमंत्री खातिर अलग प्रोटोकॉल अउर बाकी लोग खातिर अलग प्रोटोकॉल होखे, ई नाइ चली।