Jio यूजर्स खातिर निम्मन खबर बा। रिलायंस Jio भारत में 5G सर्विस लॉन्च करे के घोषणा कs देले बा। कंपनी जियो के ट्रू-5G सर्विस के बीटा ट्रायल काल्ह माने दशहरा से सुरू कर रहल बिया। ई सर्विस देश के चार शहरन दिल्ली, मुंबई, कोलकाता आ वाराणसी में शुरू कइल जाई। अभी ई सर्विस ऑन इनविटेशन बा, माने मवजूदा Jio यूजर्स में से कुछ चुनिंदा यूजर्स के एह सर्विस के इस्तेमाल करे खातिर इनवाइट भेजल जाई।
यूजर्स के एकरा संगे वेलकम-ऑफरो मिली, जवना के तहत यूजर्स के 1GBPS तक के स्पीड आ अनलिमिटेड 5जी डाटा मिली। इनवाइटेड यूजर्स इन Jio ट्रू 5G सर्विस के एक्सपीरियंस करी लो ओह लो के अनुभवन के आधार प कंपनी विस्तृत 5G सर्विस लॉन्च करी।
“वी केयर” माने हमनी के राउर खेयाल बा, Jio के ट्रू 5G एही मूल मंत्र प बनल बा। एकरा तहत jio 5G से कंपनी शिक्षा, स्वास्थ्य सेवा, कृषि, कौशल विकास, छोट, मध्यम आ बड़ उद्यमन, IoT, स्मार्ट होम आ गेमिंग जइसन क्षेत्रन में प्रमुख रूप से फोकस करी।
जियो ट्रू 5जी वेलकम ऑफर
- Jio True 5G वेलकम ऑफर Jio यूजर्स खातिर दिल्ली, मुंबई, कोलकाता आ वाराणसी में आमंत्रण द्वारा लॉन्च कइल जा रहल बा। एह ग्राहकन के 1 Gbps+ तक के स्पीड के संगे अनलिमिटेड 5G डाटा मिली।
- जइसे-जइसे शहर तइयार होते जाई, आउर शहरन खातिर बीटा परीक्षण सेवा रोलआउट करे के घोषणा कइल जाई।
- यूजर्स एह बीटा परीक्षण के लाभ तब तक उठा पाई लो जब तक कि शहर के नेटवर्क कवरेज पर्याप्त रूप से मजबूत नइखे हो जात।
- आमंत्रित ‘Jio वेलकम ऑफर’ यूजर्स के आपन मवजूदा Jio सिम ना बदले के होई। यूजर्स के मोबाइल 5g होखला प Jio True 5G सेवा ऑटोमैटिक अपग्रेड हो जाई।
स्टैंड-अलोन 5G
ई स्टैंड-अलोन नेटवर्क ह माने जियो 5जी खातिर 4जी नेटवर्क के जरुरत ना रही। एकर सीधा फायदा जियो के True 5G के मिली। Jio 5G में यूजर्स के लो लेटेंसी, बड़ पैमाना प मशीन-टू-मशीन कम्युनिकेशन, 5G वॉयस, एज कंप्यूटिंग आ नेटवर्क स्लाइसिंग जइसन शानदार फीचर्स मिली।
कैरियर एग्रीगेशन
Jio 5G में कैरियर एग्रीगेशन नाम के एडवांस टेक्नोलॉजी के सपोर्ट बा। ई 5जी के अलग-अलग फ्रीक्वेंसी के एगो मजबूत “डाटा हाईवे” बनावेला, जवन यूजर्स खातिर कवरेज, क्षमता, गुणवत्ता आ डाटा बचत के एगो शानदार पैकेज ह। एकरा मदद से नेटवर्क कनेक्टिविटियो बेहतर होला आ डाटो कम यूज होला।
