बिहार के महाराजगंज लोकसभा क्षेत्र से बीजेपी के जनार्दन सिंह सिग्रिवाल कांग्रेस प्रत्याशी आकाश कुमार सिंह के 1,02,651 वोट से हरा देले। जनार्दन सिंह सिग्रीवाल के 5,29,533 वोट मिलल। ओहिजा, कांग्रेस प्रत्याशी आकाश कुमार सिंह के 4,26,882 वोट मिलल बा। सिग्रीवाल के ई लगातार तिसरका जीत हs। 2014 आ 2019 के लोकसभा चुनाव में ऊ भाजपा के टिकट पs जीत हासिल कइले रहस। मतगणना में सुरू से आकाश पs बनल लीड अंत ले बरकरार रहल।
ओहिजा, सारण लोकसभा क्षेत्र से में भाजपा प्रत्याशी राजीव प्रताप रूडी के राजद प्रत्याशी आ लालू यादव के बेटी रोहिणी आचार्य के ऊपर जीत मिलल। दुनू प्रत्याशियन के बीच अंत ले जोरदार टक्कर देखे के मिलल, बाकिर अंतिम परिणाम के मोताबिक राजीव प्रताप रूड़ी 13,661 मत से विजयी भइलें। उनका 4,71,752 मत मिलल। रोहिणी आचार्य के 4,58,091 मत मिलल।
छपरा मुख्यालय के बाजार समिति में काउंटिंग के दौरान प्रत्याशी आ समर्थक लगातार अपडेट लेत रहे लो। प्रशासन के ओर से कड़ा सुरक्षा बेवस्था के शांति पूर्वक मतगणना पूरा करावल गइल। जीत के आधिकारिक घोषणा के बाद भाजपा समर्थकन में खुसी के लहर बा।
