जोकोविच के हरा जैकब जीतलें मियामी ओपन: ऊ खिताब जीतने वाले सबसे नवहा टेनिस खिलाड़ी, आपन पहिला ATP टाइटलो हासिल कइलें

Anurag Ranjan

स्पोर्ट्स डेस्क: चेक रिपब्लिक के टेनिस खिलाड़ी जैकब मेनसिक ने सोमार के मियामी ओपन टाइटल जीत लेले बाड़ें। जैकब ई टाइटल जीते वाला सबसे नवहा खिलाड़ी हवे। ई 19 साल के जैकब के पहिला एटीपी ट्रॉफी हs। ऊ फाइनल में पहिला सीड सर्बिया के नोवाक जोकोविच के 7-6 (4), 7-6 (4) से हवलें।

उनका 9.4 करोड़ के इनाम राशि मिलल। एकरा पहिले मेनसिक के पिछला साल अक्टूबर में शंघाई मास्टर्स में तीन सेटन से जोकोविच से हार मिलल रहे। मेनसिक टाइटल जीतला के बाद कहलें, “जोकोविच के खिलाफ हम ई मैच बहुत नर्वस होके खेलनी।”

जोकोविच 2007 में पहिला मियामी ओपन जीतले रहस, तब मेनसिक 2 साल के रहस

नोवाक जोकोविच मियामी ओपन के फाइनल अबकी बेर हार गइल बाड़ें। जोकोविच एह टाइटल के 6 बेर जीत चुकल बाड़ें। जब 2007 में ऊ पहिला बार ई ट्रॉफी जीतले रहस, तब मेनसिक खाली 2 साल के रहलें।

100 ATP टाइटल चूक गइलें जोकोविच

37 साल के जोकोविच मास्टर्स 1000 में शामिल मियामी ओपन के फाइनल में पहुंचे वाला सबसे उम्रदराज खिलाड़ी बन गइल बाड़ें। जदि ऊ फाइनल जीत जइतन तs ई उनकर 100वां प्रोफेशनल एटीपी टाइटल रहित।

जोकोविच अभी ले 99 इंटरनेशनल टाइटल जीतले बाड़ें। ओहिजा अमेरिका के जिमी कोनर्स (109) आ स्विस खिलाड़ी रोजर फेडरर (103) खाली दुगो अइसन खिलाड़ी बा लो, जे100 के आंकड़ा पार कइले बा लो।

Read Also: JPU में स्नातक खातिर 6 हजार सीट बढ़ल: अब 37 हजार छात्रन के मिली दाखिला, साइंस आ कॉमर्स में कम होई प्रतिस्पर्धा

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।
Leave a Comment