मशरक के घोघिया मध्य विद्यालय के प्रांगन मे अंतर निबंध प्रतियोगिता आयोजित

Anurag Ranjan

मशरक (सारण)/ धर्मेंद्र कुमार सिंह: मशरक प्रखंड अंतर्गत घोघिया मध्य विद्यालय के प्रांगन मे अंतर विद्यालय निबंध प्रतियोगिता कार्यक्रम आयोजित, निबंध प्रतियोगिता के आयोजक रीताज कैफे शॉप के ऑनर रोहित सिंह के द्वारा निबंध प्रतियोगिता करावल गइल। जेमे वर्ग 4, 5, 6, 8 के सैकड़न छात्र लोग सामिल भइल।

एह प्रतियोगिता मे पांच गो निबंध रहे जेमे मात्र दु गो निबंध के उतर अपना वर्ग 4,5 के डेढ़ सौ शब्द मे आ वर्ग 6,8 के अढ़ाई सौ शब्दन मे छात्रन के लिखल आवश्यक बा। बनावल गइल दु गो प्रश्न सौ सौ नंबर के होई। प्रतियोगिता मे सामिल दर्जनन विद्यालय के छात्र सामिल रहे। निबंध प्रतियोगिता मे सफल छात्र लोगन के 26 जनवरी के पुरस्कार वितरण कइल जाई।

निबंध प्रतियोगिता मे अलग अलग विद्यालय से बच्चन के संगे आइल गुरुजनन के नाम राजमोहन सिंह, छठु तिवारी, सुजीत सिंह, शिक्षक नेता धर्मेन्द्र सिंह कुशवाहा, राहुल सिंह, संजय सिंह, विनोद तिवारी, सुजीत सिंह, जयप्रकाश सिंह, कुमार कौशलेन्द्र, राजेंद्र बैठा, चंदन सिंह सहित समाजसेवी अशोक सिंह, नरेन्द्र सिंह, मुना सिंह सहित आउर लोग मवजूद रहे।

Share This Article
Content Creator
Follow:
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव। परिचे- एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।