पेड वेरिफिकेशन पs काम कर रहल बा इंस्टाग्राम

पेड वेरिफिकेशन पs काम कर रहल बा इंस्टाग्राम।मेटा के स्वामित्व वाला सोशल मीडिया प्लेटफॉर्म इंस्टाग्राम अपना यूजर खातिर एगो नया फीचर पs काम रहल बा। रिपोर्ट के मोताबिक ,ट्विटर लेखा सोशल मीडिया प्लेटफॉर्म इंस्टाग्रामो पs अब यूजर के पईसा देके ब्लू टिक वेरिफिकेशन बैज देबे के तईयारी में बा। अभी तक ले इंस्टाग्राम पs ई बैज अपना नोटेबल यूजरन के देत आ रहल बा। अब तक ले इंस्टाग्राम पs ई बैज कंपनी खुदे वेरिफिकेशन के बाद देले बाकिर पाता चलल बा कि इंस्टाग्राम में बहुत जल्दीए ब्लू बैज खातिर पेड वेरिफिकेशन के फीचर जोड़ सकेला ।एह बारे में एगो स्क्रीनशॉट साझा कईल जा रहल बा ।एह रिपोर्ट के अनुसार,एह नाया फीचर में आईडीवी के बारे में बतावल जा रहल बा , जवना से पेड ब्लू टिक वेरिफिकेशन के जारी होखला के बारे में सूचना देला । हालंकि ,कम्पनी ई अभी तक नईखे बतवले की ई फीचर यूजर्स खातिर कब ले इंस्टाग्राम पs आई।