19वां एशियन गेम्स के दूसरका दिन 10 मीटर एयर राइफल में पुरुषन के टीम भारत खातिर पहिला गोल्ड दिलवलस। भारतीय शूटर ऐश्वर्य प्रताप सिंह, दिव्यांश सिंह आ रुद्रांक्ष पाटिल 1893.7 स्कोर कs के भारत के पहिला गोल्ड दिलवलस। ओहिजा रोइंग के मेंस पेयर-4 में भारत के ब्रॉन्ज मेडल मिलल। अब भारत के 7 मेडल हो गइल बा।
रोइंग में भारत के भइल 4 मेडल
रोइंग में भारत के अब 4 मेडल हो गइल बा। जेमे दु गो सिल्वर आ एगो ब्रॉन्ज मेडल सामिल बा। सोमार के रोइंग मेंस पेयर-4 में जसविंदर सिंह, भीम सिंह, पुनीत कुमार, आशीष ब्रॉन्ज मेडल जीतल लो।
शूटिंग में एगो गोल्ड सहित 3 मेडल
अब शूटिंग में भारत के एगो गोल्ड सहित 3 मेडल हो गइल बा। पहिला दिन 10 मीटर एयर राइफल विमेंस टीम सिल्वर आ रमिता 10 मीटर एयर राइफल इंडिविजुअल में ब्रॉन्ज मेडल जीतले रहली। सोमार के पुरुष मेंस टीम गोल्ड जीतल।
पहिला दिन भारत के मिलल रहे 3 सिल्वर आ 2 ब्रॉन्ज
एकरा पहिले भारत पहिलका दिन 5 मेडल जीतले रहे। जेमे रोइंग में तीन मेडल आ शूटिंग में दु गो मेडल मिलल रहे। जेमे रोइंग में दु गो सिल्वर आ एगो ब्रॉन्ज मेडल सामिल रहे। रोइंग के लाइट वेट डबल्स स्कल इवेंट में अर्जुन लाल जाट आ अरविंद सिंह के जोड़ी सिल्वर दिलवले रहे। ओहिजा भारतीय पुरुष टीम मेंस-8 इवेंट में दूसरका स्थान हासिल करत सिल्वर जीतलस। ओहिजा मेंस पेयर के फाइनल में बाबूलाल यादव आ लेखराम के जोड़ी तीसरा स्थान पs रहल रहे।
शूटिंग में 10 मीटर एयर राइफल में मेहुली घोष, रमिता आ आशी चौकसी के टीम 1880.0 स्कोर के संगे सिल्वर जीतले रहे। ओहिजा रमिता 10 मीटर एयर राइफल इंडिविजुअल में ब्रॉन्ज मेडल जीतले रहली।