आज साहित्य अकादमी के अपना साहित्य मंच के अंर्तगत सुपरिचित हिंदी लेखक मृत्युंजय सिंह आ पवन माथुर के रचना पाठ सांझ के 5:30 बजे साहित्य अकादेमी सभाकक्ष , तृतीय तल, रविंद्र भवन, 35 फीरोजशाह मार्ग, नई दिल्ली में होई।
बता दीं की दुनो लेखक लोग साहित्य के क्षेत्र में जानल-मानल नाम बा। मृत्युंजय सिंह बंगाल कैडर के एगो वरिष्ठ आईपीएस अधिकारी होखला के संगे-संगे साहित्य आ संगीत के दुनिया में आपन अलग पहचान आ मुकाम हासिल कइलें बानी।
कुछे दिन पहिले उहां के लिखल काव्य खंड “द्रौपदी” सभे खातिर उपलब्ध भइल आ खासा चरचा के केंद्र में रहल। खास बात ई बा की मृत्युंजय कुमार सिंह जी के हिंदी के संगे- संगे भोजपुरी में रचना खातिर जानल जानी आ उहां के लिखल उपन्यास “गंगा रतन बिदेसी” प्रिंट आ ऑडियो दुनो रूप में उपलब्ध बा।
आज के एह साहित्य अकादेमी के कार्यक्रम में सम्मिलित होके दुनो चर्चित रचनाकार के रचनन के लुफ्त उठावल जा सकत बा।
