दस दिन में दुसरका बेर अमेरिका में बड़हन तूफान आवे वाला बा. फ्लोरिडा में मिल्टन तूफान के लेके अलर्ट जारी कईल गईल बा। राष्ट्रीय तूफान केंद्र एकरा के सबसे विनाशकारी तूफान के श्रेणी 5 में रखले बा। एह श्रेणी के तूफान के चलते जान-माल के भारी नुकसान के खतरा बा। बुध के दिने यानी आजु फ्लोरिडा के ताम्पा बे में मिल्टन तूफान आ सकेला. अधिकारियन के आदेश एह तूफान के चलते टैम्पा बे इलाका से दस लाख से अधिका लोग के खाली करावे के आदेश दिहल गइल जवना के चलते भारी जाम आ ईंधन के कमी हो गइल.
हवाई यातायात प्रभावित
एह तूफान से टैम्पा खाड़ी के उत्तर आ दक्खिन में समुद्र तट पर 10 से 15 फीट ऊँच लहर पैदा होखे के अनेसा बा. अमेरिकी राष्ट्रीय तूफान केंद्र 254 मिमी भा ओकरा से अधिका बरखा के अनुमान लगा दिहले बा आ बाढ़ के खतरा भी बनल बा. आंधी के चलते हवाई यातायात बहुत प्रभावित भईल बा, जवना के चलते करीब 900 घरेलू अवुरी अंतरराष्ट्रीय उड़ान में देरी भईल बा। बुध के दिने होखे वाला 1500 से अधिका उड़ान रद्द कs दिहल गइल बा.
फ्लोरिडा के तटीय इलाका के खाली कs दिहल गइल
मिल्टन तूफान फिलहाल मेक्सिको के खाड़ी से गुजर रहल बा। मंगल ले आंधी के गति करीब 285 किलोमीटर प्रति घंटा रहे। एही बीच फ्लोरिडा के तटीय इलाका के खाली कs दिहल गइल बा. करीब 5 लाख लोग के सुरक्षित जगह पs पहुंचावल गईल बा। एकरा से पहिले हेलेन तूफान अमेरिका में तबाही मचवले रहे। हेलेन तूफान के चलते कम से कम 225 लोग के जान चल गईल।
