दांत पs गंदगी अवुरी पीलापन अक्सर लोग खातीर शर्मिंदगी के कारण बन जाला। पीयर दाँत के चलते लोग खुल के हँस ना पावेले। अगर आप दिन में दु बेर ब्रश करीं तबो आपके दांत पs पीला रंग के परत देखाई दिही, तब आप फिटकिरी के मदद से दांत पs पीलापन से छुटकारा पा सकतानी। बता दी कि दांत साफ करे खातिर फिटकिरी के इस्तेमाल कईसे कईल जा सकता।
फिटकिरी के टूथपेस्ट बनाईं
फिटकिरी के टूथपेस्ट बनावे खातिर सबसे पहिले तs पैन गरम कs के ओकरा में फिटकिरी के टुकड़ा डाल के पिघलावेला। एकरा बाद जब फिटकिरी कड़ा अवुरी दानेदार हो जाला तs ओकरा के मिक्सर में डाल के बढ़िया से पीसे के पड़ेला। अब कड़ाही में 6 लौंग डाल के भुन लेवे के बा। एकरा बाद भुनाइल लौंग आ दू चम्मच बेकिंग सोडा के साथे फिटकिरी के साथे मिक्सर में डाल के सब कुछ पीस लीं।
एकर प्रयोग के तरीका जानीं
एह फिटकिरी के टूथपेस्ट के इस्तेमाल करे से पहिले साफ पानी से मुंह के बढ़िया से कुल्ला करीं। एकरा बाद अपना ब्रश पs तनी फिटकिरी के टूथपेस्ट लगाई अवुरी ओकरा बाद धीरे से ब्रश करीं। दांत के बढ़िया से साफ कईला के बाद अंत में साफ पानी से मुंह के फेर से कुल्ला करीं। हर दिन फिटकिरी के टूथपेस्ट के इस्तेमाल करीं अवुरी एकर सकारात्मक असर सिर्फ कुछ दिन में देखाई दिही।
रउरा मिली फायदा ही फायदा
फिटकिरी के टूथपेस्ट के इस्तेमाल से आपके दांत पs जमा पीला परत दूर हो सकता। सफेद अवुरी चमकदार दांत खातीर आप फिटकिरी के टूथपेस्ट के इस्तेमाल कs सकतानी। एकरा अलावे फिटकिरी के टूथपेस्ट में पावल जाए वाला तत्व दांत पs गंदगी, प्लाक अवुरी बैक्टीरिया के जमा ना होखे देवेला। कुल मिलाके फिटकिरी आपके दांत अवुरी आपके मुंह के स्वास्थ्य खातीर बहुत फायदेमंद साबित हो सकता।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
