का आप भी अपना बाल के स्वास्थ्य में सुधार कईल चाहतानी अवुरी बाल के रेशमी, चमकदार अवुरी मजबूत बनावल चाहतानी? अगर हाँ तs एकरा खातिर रउआ दादी के घरेलू उपाय आजमा सकेनी। घर में नेचुरल हेयर पैक बनावे खातिर मेथी के बीज, दही, एलोवेरा जेल अवुरी आंवला के जरूरत होई। आईं जानल जाव एह हेयर पैक के रेसिपी के बारे में।
हेयर पैक कईसे बनावल जाला?
सबसे पहिले मेथी के बीज के पानी में भिगो लीं। अब अगिला दिने सबेरे भींजल मेथी के दाना मिक्सर में डाल के पीस लीं। मेथी के बीज के पेस्ट आ दू चम्मच दही के एगो कटोरी में निकाल लीं। अब ओही कटोरी में दू चम्मच एलोवेरा जेल आ तनी आंवला के तेल निकाल लीं। अब एह सब केमिकल मुक्त चीजन के बढ़िया से मिला के चिकना पेस्ट बनावे के पड़ी. एह पेस्ट के 5 मिनट तक ढंक के रखे के चाहीं।
कइसे इस्तेमाल कइल जाला
आईं जानल जाव कि एह हेयर पैक के हेयर केयर रूटीन में शामिल करे के सही तरीका का बा। इs हेयर पैक आपके बाल पs ठीक से लगावे के होई। बेहतर रिजल्ट पावे खातिर एs हेयर पैक के आधा घंटा तक राखी अवुरी ओकरा बाद बाल के धो लीं। एs हेयर पैक के आप सप्ताह में एक-दु बेर लगा सकतानी।
बाल खातिर फायदेमंद बा
औषधीय गुण से भरल इs हेयर पैक आपके बाल के स्वास्थ्य खातीर वरदान साबित हो सकता। एह हेयर पैक के मदद से आप अपना बाल के रेशमी अवुरी चमकदार के संगे मजबूत बना सकतानी। एs हेयर पैक के इस्तेमाल बाल में पोषण के कमी के दूर करे खातीर भी कईल जा सकता।
इहो पढ़ीं- सबेरे-सबेरे: टैन हो गईल बा स्किन, तs एs 3 चीजन के मिलाके लगाई, लौट आई निखार
