एलन मस्क कुछ दिन पहिलही Twitter पs मोनेटाइजेशन फीचर लॉन्च कइले बाड़ें आ ओकरा एक हफ्ता बादे ऊ ट्विटर के नाम बदलके X कs देलें बाड़ें। अब ट्विटर के X के नाम से जानल जाई। ट्विटर के मुख्यालय से ट्विटर के लोगो के हटाके X लगा दिहल गइल बा। एकरा अलावे ऑफसो में ट्विटर चिड़िया के एक्स से रिप्लेस कs देले बा। कुल मिलाके इहे बा कि एलन मस्क ट्विटर के नाम-ओ-निशान खतम कइल चाहत बाड़ें। रउआ में से कइयन लोग एक्स (ट्विटर) इस्तेमाल करत होई आ राउर अच्छा खासा फॉलोअर्स होई। रउओ आउर लोगन के तरे ट्विटर से कमाई कs सकत बानी। आईं एकर सब शर्तन के जानल जाव…
ट्विटर पs कमाई के शर्त का बा?
- ट्विटर के मोनेटाइजेशन पॉलिसी समूचा दुनिया खातिर बा। सबसे पहिला शर्त इहे बा कि रउआ ट्विटर ब्लू के सब्सक्रिप्शन लेवे के होई जवना के कीमत डेस्कटॉप खातिर 900 रुपिया आ मोबाइल खातिर 650 रुपिया प्रति महीना बा।
- दूसरका शर्त ई बा कि रउआ लगे कम-से-कम 500 फॉलोअर्स होखे के चाहीं।
- तीसरका शर्त ई बा कि पिछला तीन महीना में रउआ ट्वीट पs 15 मिलियन इंप्रेशन होखे के चाहीं।
- एह शर्तन के पूरा कइला के बाद रउआ ट्विटर के मोनेटाइजेशन के ज्वाइन कs सकत बानी।
- 50 डॉलर के कमाई होखला के बाद रउआ पेमेंट मिल जाई।
ट्विटर मोनेटाइजेशन खातिर कइसे अप्लाई करीं?
- सबसे पहिले रउआ अपना अकाउंट के सेटिंग में जाये के होई।
- अब योर अकाउंट के ठीक नीचे Monetization के विकल्प लउकी।
- ओह पs क्लिक कइला के बाद रउआ Subscriptions आ Ads revenue sharing के विकल्प लउकी।
- जदि रउआ सब शर्तन के पूरा करत बानी तs एह दुनो विकल्प पs क्लिक कs के बैंक अकाउंट के जानकारी भरीं।
- ओकरा बाद रउआ पोस्ट भा वीडियो के संगे विज्ञापन लउकी आ ओकरा बदला में रउआ पईसा मिली।
