एसटीएफ के टीम असद तक कईसे पहुंचल? एनकाउंटर के FIR से पता चलल

झांसी : झांसी में भईल मुठभेड़ में मारल गईल असद अवुरी गुलाम तक एसटीएफ के टीम कईसे पहुंचल, एकर खुलासा मुठभेड़ के प्राथमिकी में भईल बा। उमेश पाल शूट आउट के दू दिन बाद यानी 26 फरवरी के अतीक के शूटर बमबाज गुड्डू मुसलमान झांसी के परिछा पावर प्लांट में सतीश पांडेय नाम के आदमी से मिले आइल रहले | ए जानकारी के बाद पुलिस लगातार ए इलाका पे नजर राखत रहे।

 

 एसटीएफ के मुखबिर से इनपुट मिलल

मुखबिर के जानकारी पे एसटीएफ के असद आ गुलाम के इनपुट मिल गईल, जवना के बाद एसटीएफ घेराबंदी शुरू क देलस। प्राथमिकी के मुताबिक चिरगांव में मुखबिर से इनपुट मिलल कि असद आ गुलाम हाल ही में चिरगांव से करिया रंग के डिस्कवर बाइक से परिछा के ओर निकलल बाड़े। मुखबिर इहो बतवले कि असद सफेद पठान सूट आ करिया टोपी पहिनले रहले। एकरा संगे गुलाम के बारे में खबर आईल कि उ निचला आ हरे रंग के हाफ टीशर्ट के संगे माथा पे गमछा बान्हले रहले।

पुलिस आत्मसमर्पण करे के कहलस, लेकिन दुनो गोली चलावे लगले

जइसहीं ई खबर मिलल एसटीएफ के टीम ओह लोग के घेरे खातिर पारीछा पहुंचल। एही बीच पारीछा बांध के मोड़ से करीब 100 मीटर पहिले दुनो लोग बिना नंबर के बाइक से पारीछा के ओर जात देखाई देले। एकरा बाद पुलिस घेर के पकड़े के कोशिश कईलस लेकिन दुनो गोली चलावे लगले। पुलिस जवाबी कार्रवाई भी कईलस जवना में दुनो लोग घायल हो गईले। दुनो के तुरंत अस्पताल पहुंचावल गईल जहां डॉक्टर ओ लोग के मृत घोषित क देले

साभार- इंडिया tv