पश्चिम बंगाल: आसनसोल में एगो फैक्ट्री में लागल भीषण आग

Minee Upadhyay

आसनसोल के जमुरिया के जादूडांगा इलाका में एगो फैक्ट्री में भारी आग लाग गइल बा। मउका पs बहुत फायर टेंडर मौजूद बा अवुरी आग बुझावे के काम चलता। हालांकि आग कईसे लागल एकर कारण अबे ले पता नईखे चलल, लेकिन फिलहाल कवनो जानमाल के नुकसान के कवनो खबर नईखे।

 

मिलल जानकारी के मुताबिक जमुरिया के जादूडांगा में एगो फैक्ट्री में अचानक आग लगला से इलाका में अराजकता पैदा हो गईल बा। बतावल जाता कि इs फैक्ट्री पेट्रो प्रोडक्ट्स के हs, जहां पीपी फोम के उत्पादन भईल रहे। शिल्पांचल के ड्रीम पॉलीपैक नाम के एह कारखाना के गोदाम में शनिचर के सबेरे आग लाग गइल। आग एतना तेज रहे कि ओकर लपट आसमान के ओर उठत रहे। एह दौरान आग से निकले वाला धुँआ के बादल आसमान में लउक बा।

बता दीं कि पश्चिम बंगाल में आगजनी के घटना तेजी से बढ़ल बा। अबे कुछ दिन पहिले पश्चिम बंगाल के हावड़ा के घुसुड़ी इलाका में प्लास्टिक के फैक्ट्री में भारी आग लाग गईल रहे। फैक्ट्री के आग से निकलत धुआं अवुरी आग के लपट देख के लोग दमकल विभाग के सूचना देले रहले।

 

 

 

 

Share This Article
Content Creator
Follow:
भोजपुरी पत्रकारिता में 2 साल से काम कइला के अनुभव। भोजपुरी में समाचार लिखे के गहिराह जानकारी के संगे फिलिम, मनोरंजन, स्पेशल स्टोरी आदि सेगमेंट्स के खबरन के पढ़े खातिर हमरा संगे बनल रही खबर भोजपुरी पs।