उत्तर प्रदेश के इटावा में भईल एगो भयानक सड़क दुर्घटना में सात लोग के मउत हो गईल। आगरा लखनऊ एक्सप्रेसवे पs डबल डेकर बस के कार से टक्कर हो गईल। दुर्घटना के समय बस में 60 लोग अवुरी कार में तीन लोग रहले। एs दुर्घटना में गाड़ी में सवार सभ लोग के मउत हो गईल। एकरा संगे बस में बईठल चार लोग के जान चल गईल।
एसएसपी इटावा संजय कुमार वर्मा कहले कि, रात के करीब 12:30 बजे रायबरेली से दिल्ली जाए वाली डबल डेकर बस एगो कार से टकरा गईल। बस में 60 लोग रहले, जवना में से 4 लोग के मउत हो गईल अवुरी करीब 20- 25 लोग घायल भईले अवरू गाड़ी में सवार 3 लोग के भी मउत हो गईल।
टक्कर के बाद बस गिर गईल
कार से टकरा के बस 50 फीट गिर गईल। एकरा चलते बस में सवार लोग के मउत हो गईल अवुरी भारी संख्या में यात्री घाही हो गईले। बस पलट के गिर गईल। एकरा चलते अधिकांश यात्री घाही हो गईले।
