लोकसभा चुनाव के पहिला चरण के मतदान 19 अप्रैल के भईल अवुरी 7वां अवुरी अंतिम चरण के मतदान 1 जून के भईल। आजु लोकसभा चुनाव के तहत मतगणना के दिन हs आ दुनु बड़का गठबंधन एनडीए आ आई.एन.डी.आई.ए. पिछला लोकसभा चुनाव में भाजपा के नेतृत्व वाला एनडीए शानदार प्रदर्शन कइले रहुवे आ दिल्ली में सत्ता पs आपन पकड़ बरकरार रखले रहुवे आ अबकी बेर गठबंधन के नजर चार सौ सीट के निशान पार करे पs बा. संगही कांग्रेस के नेतृत्व वाला इंडिया गठबंधन के उम्मीद बा कि 10 साल बाद केंद्र में फेर से सत्ता में आ जाई। मानल जाता कि दुपहरिया तक तस्वीर साफ हो जाई अवुरी उंट कवना ओर बईठल बा, एकर अंदाज़ा लगावल संभव हो जाई।
हिमाचल प्रदेश के मंडी सीट से भाजपा उम्मीदवार कंगना रनौत कांग्रेस उम्मीदवार विक्रमादित्य सिंह से 23156 वोट के अंतर से आगे बाड़ी। चुनाव आयोग के आंकड़ा के मुताबिक अभी तक कंगना के 1,55,982 वोट मिलल बा, जबकि विक्रमादित्य के 1,32,826 वोट मिलल बा।
भाजपा उम्मीदवार हेमा मालिनी उत्तर प्रदेश के मथुरा सीट से अपना नजदीकी प्रतिद्वंद्वी कांग्रेस उम्मीदवार मुकेश धनगर से 87789 वोट से आगे बाड़ी। हेमा मालिनी के अब ले 1,30,734 वोट मिलल बा जबकि धनगर के हिस्सेदारी के 42,945 वोट मिलल बा।
