खबर भोजपुरी रउरा लोग के सोझा एगो नया सेगमेंट लेके आइल बा , जवना में रउरा के पढ़े के मिली फिलिम इंडस्ट्री से जुड़ल रोचक कहानी आ खिसा जवन बितsल जमाना के रही।
आजु पढ़ीं धर्मेन्द्र आ ड्रीम गर्ल हेमा मालिनी के प्रेम कहानी..
प्रेम अइसन बला हs कि एकरा के हासिल करे खातिर सभे कवनो भी हद ले जाला। फिल्म स्टार भी एs मामला में केहु से कम नईखन लोग. फिल्म इंडस्ट्री में बहुत अयीसन जोड़ा बा, जवन कि एक संगे काम करत-करत प्यार में पड़ गईल अवुरी असल जिंदगी में बियाह कs लेले। ओह जोड़ी में से एगो बा धर्मेन्द्र आ ड्रीम गर्ल हेमा मालिनी के जोड़ी. एगो जमाना रहल जब बड़का परदा पs धर्मेन्द्र आ हेमा मालिनी के जोड़ी लोग के बहुते नीक लागे. जब भी कवनो फिल्म में दुनु जने एक संगे देखल जात रहले तs प्रशंसक एs लोग पs बहुत प्यार के बरसात कईले। बाकिर का रउवा जानत बानी कि एगो समय रहे जब दुनु जाना एक दूसरा से प्यार हो गईल, समय के अनदेखा करत एक दूसरा से बियाह कs लेले रहले। धर्मेन्द्र के पहिले ही बियाह भइला के बावजूद हेमा से प्यार हो गइल रहे आ हेमा के भी धर्मेन्द्र से प्यार हो गइल. धर्मेन्द्र जब हेमा मालिनी से बियाह कईले रहले तs उनुकर बियाह प्रकाश कौर से पहिलही हो चुकल रहे। एह दुनु जाना के बियाह करे खातिर बहुत पापड़ बेले के पड़ल।
हेमा-धर्मेन्द्र के प्रेम कहानी
हेमा 1970 में बनल फिलिम ‘तुम हसीन मैं जवान’ में धर्मेंद्र का साथे काम कइले रहीं. रील लाइफ के साथे साथे दुनु जाना रियल लाइफ में भी नजदीक आवे लगले। दुनु के सुपरहिट जोड़ी 25 से अधिका बेहतरीन फिलिम कइले बिया.
जब हेमा आ धर्मेन्द्र के प्रेम हो भइल तs धर्मेन्द्र के बियाह पहिलहीं हो चुकल रहे. प्रकाश कौर से भईल बियाह से धर्मेंद्र के दुगो बेटा सनी देओल अवुरी बॉबी देओल रहले, बाकिर एकरा बावजूद दुनो लोग पीछे ना हटले।
धर्मेन्द्र के बियाह होखला के चलते हेमा के परिवार ओ लोग के प्यार अवुरी बियाह के खिलाफ रहे, बाकिर जब हेमा समझावे से पीछे ना हटली तs परिवार उनुका पs चौकस बढ़ा देलस। हेमा के धर्मेंद्र से मिले से रोके खातिर उनुकर परिवार के कवनो ना कवनो सदस्य हमेशा उनुका संगे शूटिंग सेट पs मौजूद रहे।
बहुत रोक-टोक के बावजूद हेमा के बाबूजी ओकरा संगे यात्रा करे लगले, अवूरी उनुकर सभ फोन लेवे लगले। हेमा के पिता भी फिल्म ‘शोले’ के गाना ‘अहंकार’ के शूटिंग खातीर उहाँ पहुंचले.
एक तरफ हेमा के परिवार आरोप लगावत रहल तs दोसरा ओर धर्मेन्द्र भी हेमा से मिले के कोशिश करत रहल। धर्मेन्द्र के पहिला पत्नी प्रकाश कौर उनुका से तलाक देवे से इनकार कs देली, एहीसे हेमा से मिलला के बाद उs इस्लाम अपना लेले।
इहो पढ़ीं: सबेरे-सबेरे : हिप्स के चर्बी होई कम, रोज करीं इs 2 गो एक्सरसाइज
धर्मेन्द्र से पहिले संजीव कपूर अवुरी जीतेन्द्र भी हेमा मालिनी के बियाह के प्रस्ताव देले रहले। हेमा आ धर्मेंद्र के अलगा करे खातिर हेमा के परिवार ओकर आ जीतेन्द्र के बियाह तय कs दिहले रहे। दुनु जाना के सगाई हो गईल रहे, बाकिर धर्मेन्द्र के प्यार के चलते हेमा आपन सगाई तूड़ देली। बहुत बाधा के बाद धर्मेंद्र अवुरी हेमा के बियाह साल 1980 में भईल, जेकरा संगे दुनो के दु बेटी एशा देओल अवुरी अहाना देओल बाड़ी।
हेमा अभिनेत्री होखे के अलावा एगो प्रोफेशनल भरतनाट्यम डांसर, लेखिका, निर्देशक, निर्माता आ राजनीतिज्ञ भी बाड़ी। हेमा 1999 में विनोद खन्ना खातिर भाजपा के अभियान के हिस्सा बन गईल रहली, जेकरा बाद उ 2004 में भाजपा में शामिल हो गईली।
तमिल निर्देशक सीवी श्रीधर अपना एगो फिलिम में हेमा मालिनी के मुख्य अभिनेत्री के रूप में चुनले रहले, जवना के शूटिंग भी उs शुरू कईले रहले। बाकिर कुछ समय बाद निर्देशक उनुका के फिलिम से हटा दिहलन कि ऊ बहुते दुबर बाड़ी एहसे अभिनेत्री नइखी लागत. फिलिम से निकाल दिहला के बाद हेमा डिप्रेशन में चल गइली.
हेमा मालिनी ‘सपनो का सौदागर’ फिलिम में राज कपूर के साथे हिंदी फिलिमन में प्रवेश कइली. हेमा एह फिलिम खातिर राज कपूर के स्क्रीन टेस्ट दिहली. टेस्ट के दौरान राज कपूर अपना दोस्तन के स्टूडियो में बोलवले अवुरी कहले कि देख एs लईकी के एक दिन बहुत दूर चल जाई। जबकि ऑडिशन के दौरान हेमा साफ-साफ कहले रहली कि उनुका अभिनय के जादा जानकारी नईखे। हेमा मालिनी एगो अइसन अभिनेत्री रहल बाड़ी जे 5 गो कपूर, राज कपूर, शम्मी कपूर, शशि कपूर, रणधीर कपूर आ ऋषि पुर के साथ काम कइले बाड़ी।
