Gorakhpur News: जमीनी विवाद में हथौड़ा से मारके माथा फोड़लस- दबंग के रिश्तेदार देखावत रहे पिस्टल- वीडियो वायरल

गोरखपुर। गुलरिहा इलाका शिवपुर सहबाजगंज में सनीचर के सबेरे एगो दबंग विधवा महिला के गेट के हथौड़ा कटर मशीन से काटके गिरा देलस। विरोध कइला पs ओकरा बेटा के हथौड़ा से मारपीट कs के गंभीर रूप से जख्मी कs देलस। आरोप बा कि दबंग के एगो रिश्तेदार पिस्टल दिखाके पीड़ितन के डेरवावत रहे, जवना के वीडियो सोशल मीडिया पs वायरल हो रहल बा।

सूचना पs पहुंचल पुलिस दुनो पक्षन के थाना पs बुलाके ममिला में पूछताछ कs रहल बिया। जानकारी के मुताबिक, गुलरिहा इलाके के पादरी बाजार मुख्य सड़क इस्थित शिवपुर सहबाजगंज निवासी विधवा उर्मिला देवी के जमीन बा। ऊ बतवली कि तीन साल पहिले प्रधानमंत्री आवास योजना के तहत ओकरा आवास मिलल।

घर बनवावल सुरू करवलस तs बगल के एगो मनबढ़ आपन जमीन बता के काम रोक देलस। जवना के लेके कइयन बेर तहसील आ थाना पs प्रार्थना पत्र देलस, बाकिर कवनो कार्रवाई ना भइल। तबे से ओह जमीन के लेके कइयन बेर विवाद हो चुकल बा।

आरोप बा कि सनीचर के सबेरे नव बजे आरोपी अपना रिश्तेदारन के लेके पीड़िता के गेट के कटर मशीन आ हथौड़ा से तुड़वावत रहे। पीड़िता मना कइलस तs ओकर एगो रिश्तेदार कमर से शर्ट उठाके पिस्टल देखाके डेरवावे लागल। विरोध कइला पs आरोपी पीड़िता के बेटा विकास कुमार के ईंटा-डंडा आ हथौड़ा से माथा पs मारके जख्मी कs देलस।

आसपास के लोग बतावल कि आरोपी नगर निगम के जमीन पs आपन दुकान बनवले बा। मुख्य मार्ग पs होखे के वजह से ओह दोकान के कीमत एक करोड़ रुपिया से जादे होई।

साभार: अमर उजाला