प्रधानमंत्री नरेंद्र मोदी के गुजरात दौरा के बीच बड़ खबर बा। मीडिया रिपोर्ट्स के मुताबिक, एगो रैली के दौरान प्रधानमंत्री के सुरक्षा में सेंध लगावे के तैयारी रहल। हालांकि, एनएसजी एह साजिश के नाकाम कs दिहल गइल बा।
कथित तौर पर सुरक्षा एजेंसियन के अहमदाबाद जिला के बावला में एगो ड्रोन नजर आइल रहे, इहें पर प्रधानमंत्री के रैली होखे के रहल। पीएम के रैली के तहत सुरक्षा कारण से एह क्षेत्र के ‘नो फ्लाई जोन’ घोषित कइल गइल रहे, जेकरे बाद ड्रोन के एनएसजी मार गिरवलस। हालांकि, अभिन ले प्रधानमंत्री कार्यालय चाहे पुलिस के ओर से कुछ नाइ कहल गइल बा।
रिपोर्ट में कहल गइल बा कि ड्रोन में पुलिस के कुछऊ संदिग्ध नइखे मिलल। हालांकि, सुरक्षा एजेंसी ई पता लगावे के कोशिश कs रहल बा कि एके काहें उड़ावल गइल रहे। सूत्रन के मुताबिक, ई घटना साँझ चार बज के 30 मिनट पर भइल। एह मामिला में एगो आदमी के हिरासत में भी लिहल गइल बा।
