खोराबार फोर लेन पs स्थित पेट्रोल पंप पs काम करेवाला गार्ड अपना दोस्त के लाइसेंसी बंदूक से गोली चला के हड़कंप मचवलस। गार्ड रूम में शराब पियला के दौरान गोली चलवलस अवुरी छत से गोली टकरा गईल। आवाज सुन के पंप पs काम करेवाला कर्मचारी दौड़ के पुलिस के घटना के जानकारी देले। सूचना मिलते सीओ कैंट योगेन्द्र सिंह पुलिस बल के संगे मौका पs पहुंचले। पुलिस दुनो आरोपी के हिरासत में लेके बंदूक जब्त कs लेलस।
इहो पढ़ीं: सबेरे-सबेरे: नस चढ़ले पs करीं इs 2 गो योगासन, हाथ गोड़ के मिली राहत
सेना से सेवानिवृत्त बेलघाट के कुआ गांव के निवासी महेन्द्र प्रताप (42 साल) फोर लेन पs गार्ड के काम करत रहले। कवनो कारन से पंप मालिक ओकरा के कुछ समय पहिले नौकरी से निकाल देले रहले। उरुवा बाजार के हरिहरपुर निवासी पिंटू सिंह (40) उहाँ गार्ड रहे। बुध के दिने पिंटू सिंह के काम से हटा दिहल गइल. साँझ के करीब सात बजे महेन्द्र प्रताप के फोन कइलस. महेन्द्र लाइसेंसी बंदूक लेके पहुंचले अवुरी ओकरा बाद दुनो लोग गार्ड रूम में चल गईले। शराब पीयत दुनों के बीच कुछ बातचीत भईल। एही बीच पिंटू महेन्द्र के बन्दुक से गोली चला दिहलस। सीओ कैंट योगेन्द्र सिंह कहले कि दुनो लोग पुरान परिचित हवे। शराब के नशा में फायरिंग कईल गईल बा। गोली छत से टकरा गईल, दुनो के हिरासत में लेके पूछताछ कईल जाता।
