गोरखपुर : जंगल कौड़िया-जगदीशपुर रिंग रोड बनावे खातिर अधिग्रहित जमीन पs किसान के सहमति लेवे खातीर शुक्रवार के एनएचएआई के अधिकारी मठिया गांव पहुंचले। उ चौपाल लगा के किसान के मनावे के कोशिश कईले। मात्र आधा किसान ए बात पs सहमत भईले। कुछ लोग बिना मुआवजा दिहले समझौता पs हस्ताक्षर करे से इनकार कs देले। एह दौरान अधिकारी लोग के कहनाम बा कि धान के फसल काटला के बाद खेत खाली छोड़ देवे के चाही ताकि काम शुरू हो सके।
शुक्रवार के एनएचएआई (भारतीय राष्ट्रीय राजमार्ग प्राधिकरण), एसएलओ (विशेष भूमि अधिग्रहण अधिकारी) अवुरी राजस्व कर्मचारी के टीम मठिया गांव पहुंचल। उ किसान के सहमति खातीर बातचीत कईले। कर्मचारी लोग चौपाल में आइल किसानन के रिंग रोड बनावे से मिले वाला फायदा के बारे में बतवले। इहो कहल गइल कि मुआवजा के भुगतान पावे खातिर सगरी कागजात के प्रति एसएलओ कार्यालय में जमा करावे के चाहीं।
एह दौरान एनएचएआई के चंद्रशेखर, एसएलओ के अमीन अमन कुमार, लेखपाल संदीप कुशवाहा, कंस्ट्रक्शन कंपनी के अरुण यादव आदि मौजूद रहले।
