दिल्ली सरकार जाड़ा के प्रदूषण पs लगाम लगावे के एक्शन प्लान के तहत पटाखा के निर्माण, बिक्री, भंडारण अवुरी इस्तेमाल पs रोक लगा देले बिया। राजधानी दिल्ली में पटाखा के बिक्री अवुरी जरे पs रोक ए साल दिवाली के दिन भी जारी रही। दिल्ली सरकार दिल्ली पुलिस के इ निर्देश जारी कईले बिया।
पिछला कई साल से वायु प्रदूषण के देखत पटाखा पs रोक लगा दिहल गईल बा। दिल्ली सरकार पड़ोसी राज्यन से भी गोहार लगवले बिया कि पटाखा बेचे पs रोक लगावल जाव। दिल्ली सरकार कहलसि कि ऊ जाड़ा के प्रदूषण पs लगाम लगावे खातिर एगो कार्य योजना के तहत पटाखा बनावे, बिक्री, भंडारण आ इस्तेमाल पs रोक लगा दिहले बिया।
दिल्ली सरकार दिल्ली पुलिस के निर्देश जारी क दिहले बिया कि केहू के पटाखा से जुड़ल लाइसेंस ना दिहल जाव. बता दीं कि राजधानी दिल्ली में पिछला साल भी पटाखा प रोक लगा दिहल गईल रहे।
एकर एलान करत दिल्ली के पर्यावरण मंत्री गोपाल राय कहले कि पड़ोसी राज्य से भी पटाखा पs रोक लगावे के अपील कईल गईल बा। जाड़ा के मौसम में दिल्ली में बढ़त प्रदूषण अवुरी सुप्रीम कोर्ट/एनजीटी के निर्देश के देखत दिल्ली के केजरीवाल सरकार इ फैसला कईले बिया।
