गोरखपुर। गगहा थाना क्षेत्र के एगो गांव में एगो आठ बरिस के लईकी से बलात्कार के वारदात सामने आइल बा। इहां एगो 28 साल के युवक 8 बरिस के लइकी के संगे ओकरा घर में रेप कइलस। नाबालिग पीड़िता के पिता के तहरीर के आधार पs पुलिस आरोपी के खिलाफ बीएनएस के धारा 65/2 आ पॉक्सो एक्ट के तहत केस दर्ज कs लेले बिया।
थानाध्यक्ष सुशील कुमार बतवलें कि पीड़िता आ आरोपी बलिराम पांडेय सगा पटीदार हs लो। आरोपी पीड़िता के चचेरा भाई हs। पीड़िता के पिता बतवलें कि सुक के सांझ लगभग साढ़े 6 बजे ऊ घर के बाहर खेलत रहे।
एही दौरान बलिराम पांडेय ओकरा के बहला फुसलाके अपना घर के छत पs ले गइल आ ओकरा संगे दुष्कर्म कइलस। घर लवट के बच्ची माता-पिता के घटना के जानकारी देलस। आरोपी बियहल आ दुगो लईकन के बाप बा। पुलिस आरोपी के गिरफ्तारी खातिर दबिश दे रहल बिया।
Read Also: Virat Kohli: बंगलूरू भगदड़ ममिला में फंसलें कोहली, सामाजिक कार्यकर्ता विराट के खिलाफ दर्ज करवलें शिकायतhttps://khabarbhojpuri.com/bangalore-stampede-case-social-worker-files-complaint-against-virat/
