Google भारतीय बाजार में Pixel 7a के बाद Pixel 8a के लॉन्च कs देले बा। Pixel 7a के पिछिला साल लॉन्च कइल गइल रहे आ Pixel 8a एकर अपग्रेडेड वर्जन हs। Pixel 8a के संगे नया डिजाइन आ Tensor G3 चिपसेट बा, जवना के इस्तेमाल एकरा पहिले Pixel 8 आ Pixel 8 Pro में भइल बा।
Google Pixel 8a के कीमत
Google Pixel 8a के भारत में 128 जीबी आ 256 जीबी के स्टोरेज में पेश कइल गइल बा। दुनो मॉडल के संगे 8 जीबी रैम मिली। 128 जीबी वेरियंट के कीमत 52,999 रुपिया आ 256 जीबी के कीमत 59,999 रुपिया रखल गइल बा। Pixel 8a के एलॉय, बे, ऑब्सडियन आ पोरसिलेन कलर में पेश कइल गइल बा। Pixel 8a के बिक्री 14 मई से फ्लिपकार्ट से होई। एकरा संगे 4,000 रुपिया के बैंक ऑफरो मिली। Pixel 8a के प्री-ऑर्डर करे वाला ग्राहक 999 रुपिया में Pixel Buds A सीरीज के किने के मवका मिली।
Google Pixel 8a के स्पेसिफिकेशन
Google Pixel 8a के स्क्रीन ग्लास के बा, रियर पैनल प्लास्टिक के आ फ्रेम एल्यूमीनियम के बा। Pixel 8a के संगे IP67 के रेटिंग मिलल बा आ एकर कुल वजन 188 ग्राम बा। फोन के संगे 6.1 इंच के सुपर एक्टुआ डिस्प्ले बा आ पैनल OLED बा। जवना के रिफ्रेश रेट 120Hz बा। एकरा संगे गोरिल्ला ग्लास 3 के प्रोटेक्शन बा।
Pixel 8a के संगे Tensor G3 प्रोसेसर बा। फोन में सर्किल टू सर्च, एआई मैजिक एडिटर, ऑडियो मैजिक इरेजर, बेस्ट टेक जइसन कइयन सारा फीचर्स मिली। फोन में 8 जीबी LPDDR5x रैम आ 256 जीबी UFS 3.1 स्टोरेज बा।
कनेक्टिविटी खातिर एमे Wi-Fi 6 के संगे ब्लूटूथ 5.3, NFC, USB Type-C आ जीपीएस के सपोर्ट बा। फोन में ई-सिम के अलावे फिजिकल सिम के सपोर्ट बा। एमे फेस अनलॉक आ फिंगरप्रिंट दुनो दिहल गइल बा। Pixel 8a में 4492mAh के बैटरी बा जवन कि 18W के वायर फास्ट चार्जिंग के सपोर्ट करेला। एकरा संगे वायरलेस चार्जिंगो बा।
Comments are closed.