Google के धमाका, सस्ता फ्लाइट्स बुक करे खातिर उतरलस धांसू फीचर, अब हजारन में होइ बचत

 

गूगल फ्लाइट के नया फीचर : गूगल फ्लाइट बाजार में एगो नाया फीचर पेश कईले बिया, ए फीचर के बदौलत अब हवाई किराया पs पईसा बचावल बहुत आसान हो जाई। कंपनी सोमवार के सबेरे एगो ब्लॉग पोस्ट के माध्यम से आधिकारिक तौर पs ए नाया फीचर के घोषणा कईले बिया। इ फीचर रउआ के फ्लाइट बुकिंग खातिर सबसे बढ़िया समय पs सूचित करेला जवना समय रउआ बजट फ्रेंडली फ्लाइट बुक कs सकेनी।

का बा खासियत

फ्लाइट में यात्रा करे वाला अधिकांश लोग, कई महीना पहिले फ्लाइट बुक करेला, असल में एकरा के करे के पीछे एगो प्रमुख कारण इहो बा कि जदी फ्लाइट बुकिंग सिर्फ जरूरत के समय होखेला त एकर किराया तनिका जादे होखेला, हालांकि आपके अगर कही जाए भा यात्रा करे के योजना एक महीना दू महीना बाद बा त वर्तमान किराया से बहुत कम दाम देके यात्रा करे के मउका मिले के संभावना बहुत बढ़ जाला। अयीसना में इ नाया फीचर आपके बहुत उपयोगी भी हो सकता अवुरी सही समय पs बताई कि कब सबसे सस्ता फ्लाइट टिकट मिल जाई।

गूगल के इ फीचर अपने आप नोटिफिकेशन भेज दिही

जानकारी के मुताबिक, जदी आप जानल चाहतानी कि उड़ान के टिकट कब सस्ता होखता, त एकरा खातीर आपके गूगल फ्लाइट में मौजूद प्राइस ट्रैकिंग विकल्प के सक्षम करे के होई, एकरा बाद इ फीचर सक्रिय हो जाला अवुरी जइसहीं उड़ान के दाम कम हो जाला ओसही , ई सूचना के माध्यम से रउरा के सचेत करी कि अब फ्लाइट टिकट के दाम कम हो गइल बा आ रउरा लगे एकरा के बुक करे के बढ़िया मउका बा। एह फीचर के इस्तेमाल करे खातिर रउरा अपना गूगल अकाउंट से गूगल में साइन इन करे के पड़ी। अगर रउरा एक बेर साइन इन करीं त ओकरा बाद रउरा गूगल के फ्लाइट पs कलर्ड बैज मिल जाई जवना के मतलब बा कि एह फ्लाइट के किराया में कवनो बदलाव ना होखी।

फिलहाल अयीसन बहुत प्लेटफॉर्म बा जवन कि सस्ता फ्लाइट बुकिंग देवे के दावा करेला, लेकिन बुकिंग प्रक्रिया पूरा होखे के समय फ्लाइट के किराया डिस्प्ले में देखावल किराया से बहुत जादे होखेला, अयीसन स्थिति में यात्री के मजबूरी हो जाला महंगा टिकट बुक करीं। अगर रउआ भी रोज उड़ान से यात्रा करत रहेनी त विश्वास करीं कि इ फीचर रउआ खातिर बहुत उपयोगी साबित हो सकता। एकरा से आपके पईसा के भी बचत होई अवुरी आपके उड़ान के किराया के बार-बार जांच करे के जरूरत ना पड़ी।