खुशखबरी: एमपी के इ अभ्यारण 7वां टाइगर रिजर्व घोषित, अब एह नया नाम से होइ पहचान
जंगली जानवरन खातिर उपयुक्त नौरादेही अभ्यारण्य के अब रानी दुर्गावती टाइगर रिजर्व घोषित कs दिहल गइल बा। ई मध्य प्रदेश के सातवाँ टाइगर रिजर्व आ बुंदेलखंड के दुसरका टाइगर रिजर्व बन गइल बा। एकरा बारे में मध्य प्रदेश सरकार एगो अधिसूचना जारी कईले बिया।
सागर के नौरादेही अभ्यारण्य के टाइगर रिजर्व के दर्जा मिलल बा। नौरादेही अभ्यारण्य मध्य प्रदेश के सबसे बड़ आ सातवाँ टाइगर रिजर्व बन गइल बा। नौरादेही अभ्यारण्य के नाम अब रानी दुर्गावती टाइगर रिजर्व राखल जाई।
एकरा खातीर राज्य सरकार अधिसूचना जारी कईले बिया। सागर आ दमोह जिला के दू गो अभ्यारण्य के मिला के रानी दुर्गावती टाइगर रिजर्व बनावल गइल बा। नौरादेही अभ्यारण्य जिला में सागर-दमोह आ नरसिंहपुर सीमा के किनारे बा। अबे नौरादेही अभ्यारण्य में 15 टाइगर बाड़े।
पिछला साल 2018 में टाइगर पुनर्स्थापन प्रोजेक्ट के तहत कान्हा से बाघि राधा के आ बाघ किशन के बांधवगढ़ से ले आके ओहिजा बसावल गइल रहे।धीरे-धीरे नौरादेही में 15 गो बाघ हो चुकल बा। नौरादेही अभ्यारण्य आपन प्राकृतिक भेड़िया आवास खातिर भी जानल जाला।
Comments are closed.