एशिया कप के सुपर 4 स्टेज मैच आजु भारत आ पाकिस्तान के बीच खेलल जाई। भारत आ पाकिस्तान के खिलाड़ी एह मैच खातिर जोरदार तइयारी में लागल बाड़े।दुनु टीम के बीच ई मैच कोलंबो में खेलल जाई। एह मैच में बरखा के हर संभावना बा। बता दीं कि भारत आ पाकिस्तान के बीच ग्रुप स्टेज के मैच भी बरखा के चलते रद्द हो गईल रहे, लेकिन एह बीच प्रशंसक खातिर एगो खुशखबरी सामने आ गईल बा। प्रशंसक बेसब्री से इंतजार करत बाड़े कि कोलंबो के आर प्रेमदासा स्टेडियम में एह मैच के खेलल जाई। मौसम रिपोर्ट के मुताबिक, बरखा के चलते ए मैच में भी व्यवधान हो सकता।
प्रशंसकन खातिर एगो बढ़िया खबर बा
अगर भारत बनाम पाकिस्तान के मैच से पहिले एक्यूवेदर आ गूगल वेदर के रिपोर्ट पs नजर डालल जाव त अतवार के दिने कोलंबो में बरखा के संभावना 90% तक बा। अब रउरा सोचत होखब कि एहमें कवन बढ़िया खबर हो सकेला। असल में एह मैच से पहिले कोलंबो में बांग्लादेश आ श्रीलंका के बीच एगो मैच खेलल गइल रहे। एह मैच के दिन भी बरखा के संभावना 90% तक होखे के अनुमान लगावल गइल रहे, बाकी एह सभ के बिपरीत बरखा के कारण मैच में कम से कम बिघटन भइल आ पूरा मैच खेलल गइल। भारत बनाम पाकिस्तान के मैच में प्रशंसकन के कुछ अइसने उमेद कइल जा सकेला। एह मैच खातिर रिजर्व डे भी राखल गइल बा। जवना के तहत अगर 10 सितंबर के मैच ना खेलल जा सके त एह मैच के बाकी खेल 11 सितंबर के खेलल जाई।
कोलंबो में बरखा के संभावना
अतवार के दिने कोलंबो में बरखा के संभावना 90% बतावल जात बा। अगर हमनी के मैच के समय के मौसम के देखल जाव त टॉस के समय बरखा के संभावना 56% बा, जबकि मैच के आगे बढ़त-बढ़त बरखा के संभावना बढ़े के बात कहल जा रहल बा। बरखा के संगे आंधी-तूफान अवुरी तेज हवा के भी संभावना बा। हालांकि प्रशंसकन के उमेद होखी कि ई सगरी संभावना ठीक ओइसहीं गलत साबित होखी जइसे बांग्लादेश बनाम श्रीलंका के मैच।
पाकिस्तान के प्लेइंग ११
बाबर आजम (कप्तान), शादाब खान (उपकप्तान), फखर जमां, इमाम उल हक, आगा सलमान, इफ्तिखार अहमद, मोहम्मद रिजवान (विकेटकीपर), फहीम असरफ, नसीम शाह, शाहीन अफरीदी आ हारिस रउफ।
भारत के संभावित प्लेइंग ११
रोहित शर्मा (कप्तान), शुभमन गिल, विराट कोहली, श्रेयस अय्यर, हार्दिक पांड्या, केएल राहुल, रवींद्र जडेजा, शार्दुल ठाकुर, कुलदीप यादव, जसप्रीत बुमराह, मोहम्मद सिराज।
