गो फर्स्ट परिचालन कारण से 25 जुलाई ले आपन सगरी उड़ान रद्द करे के एलान कइले बा। बता दीं कि एह एयरलाइन के बहुते आर्थिक संकट के सामना करे के पड़त बा आ ई कंपनी 3 मई से आपन सगरी उड़ान बंद क दिहले बिया। हालांकि दू दिन पहिले खबर आइल रहे कि गो फर्स्ट के एक बेर फेरू उड़ान भरला दिहल गइल बा. कहल गइल कि डीजीसीए गोफर्स्ट के शर्त के साथे उड़ान भरला के अनुमति दे दिहले बा। डीजीसीए गो फर्स्ट के प्रस्ताव के सशर्त रूप से स्वीकार क लेले बा अवुरी नियामक के फैसला ऑडिट के बाद लिहल गईल बा। लेकिन ओकरा बाद कंपनी 25 जुलाई ले के सभ उड़ान रद्द क देले बिया।
एगो आधिकारिक बयान के मुताबिक गो फर्स्ट के बतावल गईल कि ओकरा के सभ जरूरी औपचारिकता पूरा कईला के बाद उड़ान भरला के अनुमति दिहल जाई। कंपनी के आईआरपी के ओर से शर्त पूरा कईला के बाद डीजीसीए से फ्लाइट शेड्यूल के मंजूरी लेवे के होई अवुरी ओकरा बाद अपना उड़ान के टिकट के बुकिंग शुरू हो जाई अवुरी बुकिंग के संगे कंपनी रिफंड के संबंध में आपन शर्त के आगे बढ़ा दिही।
गोफर्स्ट 3 मई से लगातार आपन सगरी उड़ान रद्द कs दिहले रहुवे। एकरा बाद फेर 30 जून 2023 के कंपनी उड़ान रद्द करे के घोषणा कईलस। एयरलाइन भी ट्वीट क के एह बारे में जानकारी देले रहे। अब फेरु कंपनी तय कइले बिया कि 25 जुलाई ले उड़ान रद्द होइ।
Comments are closed.