पूर्व मिस यूनिवर्स हरनाज कौर संधू समेत 14 अउरी लोगन खिलाफ एक्ट्रेस उपासना सिंह के तरफ से दायर चंडीगढ़ कोर्ट केस में आज सुनवाई होई। जी , पूर्व मिस यूनिवर्स हरनाज कौर संधू के खिलाफ चंडीगढ़ कोर्ट में मामला दर्ज करवावल गइल रहे, जेकरा में एक्ट्रेस पs एगो पंजाबी फिल्म के पूरा ना करे आ बीचे में कॉन्ट्रैक्ट तुरला के आरोप लागल बा। एक्ट्रेस उपासना सिंह पूर्व मिस यूनिवर्स हरनाज कौर संधू समेत 14 अउरी लोगन के खिलाफ फिल्म के लेके भइल नुकसान के रूप में 1 करोड़ रुपए के भरपाई के मांग के लेके कोर्ट में याचिका दायर कइले रहली, जेकर आजु सुनवाई होई।
वहीं एक्ट्रेस उपासना सिंह के कहनाम बा कि, ‘फिल्म के डायरेक्टर समीप कंग आ प्रोड्यूसर्स लोग भी हरनाज से संपर्क कइले रहे , बाकिर केहू से बात ना हो पावल। मिस यूनिवर्स बनला के बाद हरनाज कौर संधू कवनो मैसेज भा मेल के जवाब ना दिहली । एह से फिल्म आ ओकर डिस्ट्रीब्यूटर्स के बड़का नोकसान भईल बा। हमनी के फिल्म के रिलीजो टाले के परल । देरी के वजह से हमार इमेज के भी बड़ा नुकसान भईल बा’।
उपासना सिंह के मुताबिक मिस यूनिवर्स बनने के बाद हरनाज संधू खुद के बहुत बड़ा स्टार समझे लगली। उ फोनो उठावल बन कई दिहली। उपासना सिंह के कहनाम बा कि हरनाज संधू के मिस यूनिवर्स बनले के बाद से उनका पंजाबी फिल्म इंडस्ट्री छोट लागे लागल बा। बता दिहिंं की एह फिल्म के जरिए उपासना के अपना बेटा के लॉन्च करे के रहली , लेकिन हरनाज संधू के संपर्क ना कइले के वजह से उनकर बड़ा नुकसान भइल।