पटना: बिहार के 24 जिलन में आज हलका से मध्यम स्तर के बरखा होखला के पूर्वानुमान बा। मौसम विज्ञान केंद्र पटना एकरा के लेके अलर्ट जारी कइले बा। पटना आ आसपास के क्षेत्रन में बरखा के पूर्वानुमान बा आ समूचा प्रदेश में आसमान में बादल छाइल रही।
एसे अधिकतम तापमान में एक से दु डिग्री सेल्सियस के गिरावट देखे के मिली। अइसन में लोगन के गरमी से राहत मिलला के आसार बन रहल बा। हालांकि प्रदेश में अभी मानसून जादे सक्रिय नइखे। मौसम विभाग के मानल जाव तs प्रदेश में मानसून अब आगे बढ़ रहल बा आ आवे वाला 4 से 5 दिनन में प्रदेश में बरखा के सिस्टम पूरा तरे से सक्रिय हो जाई।
