गोरखपुर में 15 दिन में सुरू होई फ्लोटिंग रेस्टोरेंट: एक संगे 100 लोग उठा सकी लुत्फ, लजीज खाना के संगही रामगढ़ताल के खूबसूरती के ली आनंद

गोरखपुर के रामगढ़ताल क्षेत्र, जवना के अक्सर शहर के मरीन ड्राइव कहल जाला, पर्यटन आ आकर्षण के एगो महत्वपूर्ण केंद्र बन गइल बा। कइयन प्रसिद्ध ब्रांड एह क्षेत्र में आपन पहचान बनवले बा। एही तरे जल्दिये लोगन के रामगढ़ताल में ‘फ्लोट’ नाम के एगो फ्लोटिंग रेस्टोरेंट में भोजन करे के मवका मिली, जवन पानी के ऊपर भोजन के एक नया अनुभव दिही।

फ्लोटिंग रेस्टोरेंट के निर्माण पूरा हो चुकल बा आ खास जरूरतन के पूरा कइला के बाद, गोरखपुर विकास प्राधिकरण (GDA) एकरा के 15 दिनन में सुरू करी। लेक क्वीन क्रूज के लोकप्रियता के बाद, फ्लोटिंग रेस्टोरेंट पर्यटकन खातिर एगो आनंददायक ऑप्शन होई।

सीएम योगी के दिशा निरदेस पs भइल बा रामगढ़ताल के कायाकल्प

लमहर समय से गंदगी से जुड़ल उपेक्षित रामगढ़ताल योगी सरकार के गंभीर प्रयासन के बदौलत पूर्वी उत्तर प्रदेश में एगो सुंदर आ दर्शनीय पर्यटन स्थल में तब्दील हो गइल बा। सीएम योगी के नेतृत्व में रामगढ़ताल के आसपास पर्यटन आ रोजगार के अवसरन में महत्वपूर्ण सुधार भइल बा, जवन विकास के एगो नया जुग के दरसावत बा। ई ताल अब न खाली एगो पर्यटक स्थल के रूप में बल्कि कइयन गो नवहन खातिर रोजगार के स्रोत के रूप में काम करेला। पहिले उपेक्षित रहल रामगढ़ताल अब पूर्वी उत्तर प्रदेश के एगो लोकप्रिय पर्यटन स्थल बन गइल बा।

1700 एकड़ के प्राकृतिक झील, जवन कबो शहर के कचरा से प्रदूषित रहे, सीएम योगी के विकास परियोजनन के प्रयासन से अब ई बदल गइल बा, जवन दूर-दूर से पर्यटकन के एकर सुंदरता के प्रशंसा करे खातिर आकर्षित करेला।

क्रूज के बाद फ्लोटिंग रेस्टोरेंट के सौगात

रामगढ़ताल आवे वाला पर्यटक वर्तमान में ‘लेक क्वीन’ क्रूज के अनुभव ले रहल बा, जवना के 15 दिसंबर 2023 के सीएम योगी लॉन्च कइले रहस। एकरा अलावे, ओह लोगन के जल्दिये फ्लोटिंग रेस्टोरेंट में स्वादिष्ट व्यंजनन के स्वाद लेवे के अवसर मिली। फ्लोटिंग रेस्टोरेंट के निर्माण 17 अगस्त, 2022 के सुरू भइल आ अब पूरा हो गइल बा। इंटीरियर के बहुते आकर्षक तरीका से डिजाइन किया गया है। कुल 9600 वर्ग फुट क्षेत्रफल में फइलल आ तीन मंजिला ई फ्लोटिंग रेस्टोरेंट एक बेर में 100 मेहमानन के ठहरावे के क्षमता रखत बा। एकरा अलावे, लगभग 50 स्टाफ सदस्य बोर्ड पs होई लो।

डिजाइन ई सुनिश्चित करत बा कि भीतरी बइठल लोगन के रामगढ़ताल के सुंदरता के स्पष्ट नजर लउके। जीडीए आ फ्लोटिंग रेस्टोरेंट के देखरेख करे वाली संस्था एकर उद्घाटन सीएम योगी से करावल चाह रहल बिया। GDA के उपाध्यक्ष आनंद वर्धन ने बतवलें कि फ्लोटिंग रेस्टोरेंट के निर्माण फाइनल हो चुकल बा। अगिला 15 दिनन में पर्यटकन खातिर ई सेवा सुरू करे खातिर ई डेग उठावल जा रहल बा।

8804100cookie-checkगोरखपुर में 15 दिन में सुरू होई फ्लोटिंग रेस्टोरेंट: एक संगे 100 लोग उठा सकी लुत्फ, लजीज खाना के संगही रामगढ़ताल के खूबसूरती के ली आनंदno