Lok Sabha Elections : पांचवा चरण खातीर आजु रवाना होई पोलिंग पार्टी, यूपी के एह 14 सीटन पs काल मतदान

 

राज्य के पांचवा चरण के तहत 14 लोकसभा सीट पs चुनाव खातीर आज मतदान दल रवाना होईहे। तपल गरमी के देखत हर मतदान कार्यकर्ता के विशेष मेडिकल किट उपलब्ध करावे के निर्देश दिहल गईल बा। एकरा अलावे मतदान स्थल में गरमी से बचाव के तमाम इंतजाम करे के जिम्मेवारी जिला निर्वाचन अधिकारी के दिहल गईल बा।

मुख्य निर्वाचन अधिकारी नवदीप रिणवा बतवले कि उत्तर प्रदेश आ लखनऊ पूर्वी विधानसभा उपचुनाव के पांचवा चरण के लोकसभा चुनाव के 14 गो लोकसभा सीट पs अतवार के दिने मतदान दल मतदान बूथ पs निकल जइहें. एकरा खातीर पांचवा चरण के सभ जिला निर्वाचन अधिकारी के मतदान दल के समय पs भेजे के निर्देश दिहल गईल बा।

मुख्य निर्वाचन अधिकारी बतवले कि पांचवा चरण में राज्य के 14 लोकसभा सीट में मोहनलालगंज (अजा), लखनऊ, रायबरेली, अमेठी, जालौन (अजा), झांसी, हमीरपुर, बांदा, फतेहपुर, कौशाम्बी (अजा), बाराबंकी (अजा), फैजाबाद, कैसरगंज, गोण्डा में सोमार के मतदान होई। उs कहले कि सभ जिला चुनाव अधिकारी के मतदान केंद्र अवुरी मतदान बूथ पs मतदाता अवुरी मतदान कर्मी के जरूरी सुविधा देवे के निर्देश दिहल गईल बा।

इs चरण बहुत जरूरी बा काहे कि रक्षा मंत्री राजनाथ सिंह, राहुल गांधी अवुरी स्मृति ईरानी के प्रतिष्ठा दांव पs लागल बा। 20 मई के होखे वाला लोकसभा चुनाव के संगे लखनऊ पूर्वी विधानसभा के उपचुनाव खातीर चार उम्मीदवार भी मैदान में बाड़े।