गोरखपुर जिला में एगो हैरान करे वाला मामला सामने आइल बा। इहां कैंट थाना क्षेत्र के नहर रोड इलाका में रहे वाले एगो बिजलीकर्मी के पत्नी पति पर अप्राकृतिक दुष्कर्म अउर देवर पर छेड़खानी, मारपीट के केस दर्ज करवले बाड़ी।
आरोप बा कि पति के अप्राकृतिक दुष्कर्म के शिकायत देवरानी से कइले पर देवर पति के साथ मिल के बेरहमी से पिटलस। कमरा में बंद करे के कोशिश कइलें त भाग के पड़ोसी के घर जान बचवली। कैंट पुलिस बुध के अप्राकृतिक दुष्कर्म, छेड़खानी अउर मारपीट के धाराओं में पति अउर देवर पर केस दर्ज क के छानबीन शुरू कs देहले बा।
पत्नी के दीहल तहरीर में लिखल बा कि पति शादी के बाद से ही अप्राकृतिक तरीका से संबंध बनावत रहनें।जेकर ऊ विरोध भी करत रहली लेकिन, लोकलज्जा के डर से चुप रहली। सात नवंबर के रात में पति एक बार फिर अप्राकृतिक संबंध बनावे के कोशिश कइले अउर विरोध करे पर मरले पिटलें अउर फिर संबंध बना लिहलें।
एकर शिकायत अगिला सुबह देवरानी से कइली त देवर के घटना के जानकारी हो गइल। एकरे बाद देवर पति के बुला लिहलस अउर दूनो मिल के बेरहमी से पीटलें सब अउर कमरा में बंद करे के कोशिश कइलें।
एपर ऊ पड़ोसी के घर जाके जान बचवली अउर फिर पुलिस के सूचना दीहलीं। पुलिस केस दर्ज कर मामिला के जांच क रहल बा।
