जिला उधमपुर के डुडु बसंतगढ़ में लगातार जारी सर्च ऑपरेशन के दौरान सुरक्षा बलन के अपना लगे आवत देख बुध के रात तकरीबन आठ बजे संग चेक पोस्ट के लगे आतंकी सुरक्षा बलन पs फायरिंग कs देले सs।
जवाबी कार्रवाई में सुरक्षा बलन के ओर से डटके जवाब दिहल गइल, बाकिर 10-15 राउंड फायर कइला के बाद आतंकी मवका से फरार हो गइलें सs। जंगलन के आन्हार के वजह से एनकाउंटर के रोके के पड़ल। सुरक्षा बल के सदस्य सर्च ऑपरेशन में लागल बा लो।
ताजा जानकारी के हिसाब से कवनो तरे के जान आ माल के नुकसान नइखे भइल। सर्च ऑपरेशन के जारी रखत एनकाउंटर के रोक दिहल गइल बा।
