Elon Musk मंगर के ट्विटर के लोगो बदल देले बाड़ें। अब लोगो में बुलु चिरई के बदले कुत्ता लउक रहल बा। जब से एलन मस्क ट्विटर के अधिग्रहण कइले बाड़ें तब से ऊ कइयन गो बदलाव कइलें बाड़ें। पहिले ब्लू टिक खातिर सब्सक्रिप्शन सेवा सुरू कइलें आ अब ऊ ट्विटर के लोगो बदल देलें बाड़ें।
बता दीं ट्विटर उपयोगकर्ता सोमार के ट्विटर के वेब संस्करण पs ‘डोगे’ मीम देखल लो, जवन डॉगकोइन ब्लॉकचैन आ क्रिप्टोकरेंसी के लोगो के हिस्सा हs आ 2013 में एगो मजाक के रूप में बनावल गइल रहे। मस्क अपना अकाउंट पs एगो खुश करे वाला पोस्टो साझा कइले जेमे कार में ‘डोगे’ मेम (जवना में शीबा इनु के चेहरा लउकेला) आ पुलिस अधिकारी, जवन ओकर ड्राइविंग लाइसेंस के देख रहल बा, के बता रहल बा कि ओकर फोटो बदल दिहल गइल बा।
मोबाइल एप में कवनो बदलाव ना
खास बात ई बा है कि ट्विटर के मोबाइल एप में कवनो बदलाव नइखे कइल गइल। ई उल्लेख कइल उचित बा कि कुत्ता के छवि (शिबा इनु के) के डॉगकॉइन ब्लॉकचेन आ क्रिप्टोकरेंसी के लोगो के रूप में जानल जाला, जवना के 2013 में एगो मजाक के रूप में बनावल गइल रहे।
ट्विटर के सीईओ 26 मार्च, 2022 के स्क्रीनशॉट के साझा कइले, उनका आ गुमनाम खाता के बीच के बातचीत जहां बाद वाला पक्षी लोगो के “डोगे” में बदले खातिर कहत रहे। एह पोस्ट के ट्विटर पs शेयर करत मस्क लिखलें, “वादा के मोताबिक।”
वैरायटी के मोताबिक, पिछला बेर 44 अरब अमेरिकी डॉलर के सौदा में ट्विटर के किने वाला मस्क डोगे मीम के जानल-मानल सुपरफैन हवे ऊ डॉगकोइन के ट्विटर पs आ पिछला साल “सैटरडे नाइट लाइव” के मेजबानी के दौरान दुनो में बढ़ावा देले बाड़ें। सोमार के ट्विटर के वेब लोगो में बदलाव के बाद डॉगकॉइन के मूल्य 20 प्रतिशत से बेसी बढ़ गइल।
