ED ने चीनी फोन निर्माता कंपनी वीवो के खिलाफ के कार्रवाई, लावा के एमडी सहित ४ लोगन के कइलस गिरफ्तार
चीन के मोबाइल निर्माण कंपनी वीवो इंडिया प्राइवेट लिमिटेड के खिलाफ ईडी बड़ कार्रवाई कईले बिया। कथित मनी लांड्रिंग मामिला के जांच में ईडी चीनी नागरिक अवुरी लावा इंटरनेशनल के एमडी समेत चार लोग के गिरफ्तार कईले बिया। ईडी के एगो शीर्ष सूत्र बतवले कि एजेंसी चार आरोपी के गिरफ्तार कs लेले बिया।
चीन के मोबाइल निर्माण कंपनी वीवो इंडिया प्राइवेट लिमिटेड के खिलाफ ईडी बड़ कार्रवाई कईले बिया। कथित मनी लांड्रिंग मामिला के जांच में ईडी चीनी नागरिक अवुरी लावा इंटरनेशनल के एमडी समेत चार लोग के गिरफ्तार कईले बिया। ईडी के एगो शीर्ष सूत्र बतवले कि एजेंसी चार आरोपी के गिरफ्तार कs लेले बिया। एह लोग के पहचान चीनी नागरिक गुआंगवेन क्यांग उर्फ एंड्रयू कुआंग, लावा इंटरनेशनल के एमडी हरिओम राय, चार्टर्ड एकाउंटेंट राजन मलिक आ नितिन गर्ग के रूप में भइल बा।
ईडी 48 जगहा पs तलाशी अभियान चला चुकल रहे।
ईडी के ई कार्रवाई एक साल से अधिका बाद भइल बा। एकरा से पहिले ईडी वीवो मोबाइल्स इंडिया प्राइवेट लिमिटेड अवुरी ग्रैंड प्रॉस्पेक्ट इंटरनेशनल कम्युनिकेशन प्राइवेट लिमिटेड जईसन ओकर 23 सहयोगी कंपनी से जुड़ल देश के 48 जगह पs खोज अभियान कईले रहे। ईडी के मुताबिक, वीवो मोबाइल्स इंडिया प्राइवेट लिमिटेड के 1 अगस्त 2014 के हांगकांग के कंपनी मल्टी एकॉर्ड लिमिटेड के सहायक कंपनी के रूप में स्थापित कईल गईल रहे अवुरी एकर पंजीकरण आरओसी दिल्ली में भईल रहे।
सीएम नितिन गर्ग कंपनी के गठन में मदद कईले रहले
जीपीआईसीपीएल के रजिस्ट्रेशन 3 दिसंबर 2014 के आरओसी शिमला में भईल रहे। वित्तीय जांच एजेंसी कहले रहे कि उक्त कंपनी के गठन झेंगशेन ओउ, बिन लू अवुरी झांग जी सीए नितिन गर्ग के मदद से कईले बाड़े। बिन लू 26 अप्रैल 2018 के भारत छोड़ दिहलें जबकि झेंगशेन ओउ आ झांग जी 2021 में भारत छोड़ दिहलें।
दिल्ली के कालकाजी थाना में दर्ज मामिला के आधार पs जांच शुरू भईल।
दिल्ली के कालकाजी थाना में दर्ज प्राथमिकी के आधार पs 3 फरवरी 2022 के मनी लांड्रिंग केस दर्ज कs के पीएमएलए जांच शुरू कईले रहे। जीपीआईसीपीएल अवुरी ओकर शेयरधारक संयोजन के समय जाली पहचान दस्तावेज अवुरी झूठा पता के इस्तेमाल कईले रहले। इ आरोप सही पावल गईल, काहेंकी जांच में पता चलल कि जीपीआईसीपीएल के निदेशक के ओर से दिहल पता उनुकर ना रहे, बालुक असल में सरकारी भवन अवुरी एगो वरिष्ठ नौकरशाह के घर रहे।
वीवो के अधिकारी के भी गिरफ्तार कईल गईल
जानकारी के मुताबिक ईडी पूछताछ के बाद वीवो कंपनी से जुड़ल 4 लोग के गिरफ्तार कs लेले बा। एहमें से १ जने चीनी नागरिक आ ३ जने भारतीय बाडन । एजेंसी के गिरफ्तार करे वालन में चीनी नागरिक गुआंगवेन क्यांग उर्फ एंड्रयू कुआंग, लावा इंटरनेशनल के एमडी हरि ओम राय, चार्टर्ड अकाउंटेंट नितिन गर्ग आ राजन मलिक शामिल बाड़े। चारो के पीएमएलए यानी मनी लांड्रिंग रोकथाम कानून के तहत हिरासत में लिहल गईल बा।
मामिला दु साल पुरान बा
ध्यान देवे वाला बात बा कि चीनी कंपनी वीवो से जुड़ल इ मामिला आज के नईखे, बालुक लगभग दु साल पुरान बा। ईडी फरवरी 2022 में मनी लांड्रिंग केस के जांच शुरू कईले रहे, जवना में वीवो मोबाइल्स इंडिया अवुरी एकरा से जुड़ल कई गो संस्था भी रडार के नीचे आईल रहे। ओह घरी ईडी वीवो के 20 से अधिका एसोसिएट कंपनी पs छापा मरले रहे जवना में ग्रैंड प्रॉस्पेक्ट इंटरनेशनल कम्युनिकेशन भी शामिल रहे।
10 लाख से अधिक नकदी भी जब्त
बतावल जाता कि ईडी 9 अक्टूबर के आरोपी के परिसर में छापा मार के 10 लाख से जादे के नकदी जब्त कईले रहे। ईडी 3 फरवरी 2022 के मनी लांड्रिंग के मामला दर्ज क के जांच शुरू कs देले रहे।
Comments are closed.