उत्तर प्रदेश के देवरिया में एगो मासूम 12 साल के बच्ची के हत्या के चलते सनसनी मच गईल बा। एह लइकी के हत्या तंत्र मंत्र आ अंध विश्वास के प्रभाव में ओकरे मामा आ मामी द्वारा कs दिहल गइल। आरोपी जोड़ा इs अपराध माई भगवती के बलि चढ़ावे खातीर कईले। मामला देवरिया के भटनी थाना क्षेत्र के हs। 26 नवम्बर के रात में भइल ब्लाइंड मर्डर के मामिला के खुलासा पुलिस सोमार के दिने महज पाँच दिन के भीतर कs दिहलस. पुलिस पूछताछ के दौरान आरोपी बहुत चौंकावे वाला खुलासा कईले। फिलहाल पुलिस मामला के जांच करतिया।
देवरिया के एसपी संकल्प शर्मा के मुताबिक 27 नवंबर के सबेरे एगो लईकी के लाश मिलल रहे। एह लइकी के पहचान भटनी के भरहे चौराहा निवासी अवधेश यादव के 12 साल के बेटी के रूप में भईल बा। अवधेश यादव अपना रिश्तेदार के बियाह खातीर इहाँ आईल रहले। उत्तराखंड से आईल आरोपी शेषनाथ यादव अवुरी उनुकर पत्नी सबिता भी इहाँ आईल रहली। देवरिया एसपी के मुताबिक, ओ समय मामला के ब्लाइंड मर्डर के मामला दर्ज भईल रहे, बाकिर जब पुलिस मामला के जांच शुरू कईलस तs अपराध परत-परत खुले लागल।
जब पकड़ा गईलs तs कहली – माई देवी आदेश देली
उs बतवले कि आरोपी जोड़ा एs लईकी के मामा अवुरी मामी हउए। पुलिस जब आरोपी के हिरासत में लेके पूछताछ कईलस तs सोझा आईल कि नवरात्रि के दौरान आरोपी शेषनाथ के पत्नी सविता के सपना में माता भगवती आईल रहली। सविता बतवली कि उनुकर बेटा 22 साल के बा अवुरी पागल बा। सपना में माई भगवती आदेश देले रहली कि कुंवारी लईकी के बलि दिहला पs उनुकर बेटा ठीक हो जाई। एकरा बाद आरोपी शेषनाथ के यूट्यूब पs माई के बलि देवे के मंत्र सिखलस अवुरी जब उs एs बियाह खातीर भटनी पहुंचले तs इहाँ एs लईकी के देख ओकर बलि देवे के योजना बनवले।
घटना के खुलासा करे वाली टीम के इनाम
आरोपी जोड़ा पुलिस पूछताछ के दौरान बतवले कि जब परिवार के सभ लोग बियाह के कार्यक्रम में व्यस्त हो गईले। एs दौरान आरोपी लईकी के मना लिहलस अवुरी मौका देख के बलि दे देलस। घटना के बाद आरोपी लईकी के लाश के शाल में लपेट के घर से कुछ दूरी पs फेंक देलस। अगिला दिने जब लईकी के लाश मिलल तs पुलिस मामला के छानबीन शुरू कs देलस। अब मामला के खुलासा के बाद डीआईजी गोरखपुर 50 हजार रुपया के इनाम देवे के घोषणा कईले बाड़े।
इहो पढ़ीं: अभिनेत्री नरगिस फाखरी के बहिन न्यूयॉर्क में भइली गिरफ्तार, Ex बॉयफ्रेंड के हत्या के आरोप