असम से दिल्ली चिड़ियाघर ले आवल गइल नर एक सींग वाला गैंडा ‘धर्मेन्द्र’ के अस्वाभाविक मउत हो गइल बा. बियफ़ें के एs बारे में जानकारी देत अधिकारी बतवले कि ‘धर्मेंद्र’ आज उनुका मृत मिलल बा। बतावल जाता कि सितंबर 2024 में इहाँ ले आवल गईल इs 11 साल के गैंडा के हालत ठीक रहे अवुरी ओकरा स्वास्थ्य से जुड़ल कवनो समस्या ना रहे। खबर के मुताबिक, ‘धर्मेंद्र’ के प्रजनन के उम्मेद में चिड़ियाघर में ‘अंजुहा’ नाम के एगो मादा गैंडा के संगे राखल गईल रहे। बता दीं कि एगो सफेद मादा बाघिन के मउत के खबर बुधवार के भी सोझा आईल रहे.
‘धर्मेन्द्र’ गैंडा अपना बाड़े में मृत मिलल’
दिल्ली चिड़ियाघर के निदेशक संजीत कुमार बतवले कि सबेरे धर्मेंद्र के अपना बाड़े में मृत मिलल। उs बतवले कि गैंडा के तुरंत चिड़ियाघर के पशु चिकित्सा अस्पताल पहुंचावल गईल, बाकिर उहाँ पहुंचला पs ओकरा के मरल घोषित कs दिहल गईल। उs कहले कि, ‘आज सबेरे उनुका बाड़े में करीब 11 साल के एगो नर गैंडा मरल मिलल। चुकी इs एगो अप्राकृतिक मउत हs अवुरी एकरा से पहिले कवनो बेमारी के इतिहास ना रहे एहसे एकर सभ संभावित कारण पs विचार कईल जाता अवुरी जांच चलता कि गैंडा के मउत के कारण ओकर पोस्टमार्टम रिपोर्ट आईला के बाद ही पता चल जाई।
इहो पढ़ीं :सबेरे-सबेरे: सरीर के फिट राखे खातीर रोज करीं इs 3 गो योगासन